Ysay 65:15 - An Bibel Kernewek 20234 (Kernewek Kemmyn)

¹⁵ Hwi a as agas hanow avel molleth dhe'm re dhewisys; ha'n Arloedh Duw a'th ladh; mes ev a elow y servysi gans ken hanow.

Ysay 65:15 ပူးပေါင်းရင်းမြစ်များ

Salmow 102:8

Ow eskerens a'm skorn oll an jydh; an re yw konneryek er ow fynn a'm molleth.

Lavarow Koth 10:7

Kovadh an den gwiryon yw bennath, mes hanow an debeles a boder.

Ysay 62:2

An kenedhlow a wel dha ewnder, hag oll myghternedh dha glori, Ty a vydh gelwys gans hanow nowydh a wra ganow an Arloedh y fastya.

Ysay 65:12

My a wra agas destna rag an kledha, ha hwi oll a ombleg dhe'n ladhva; rag my a'gas gelwis, mes ny worthybsowgh, my a gewsis mes ny glewsowgh. Hwi a wrug drog a-wel dhymm ha dewis an dra na veu plegadow dhymm.

Ysay 65:22

Ny dhrehevons, hag arall a drig ena, ny blansons, hag arall a dheber. Rag dydhyow ow fobel a vydh avel dydhyow gwydhenn, ha'm re dhewisys a wel ober aga diwla ow toen frut termyn hir.

Ysay 65:9

My a dhre has yn-mes a Yakob, hag yn-mes a Yuda nebonan dhe erita ow menydhyow, hag ow re dhewisys a's erit, ha'm servysi a drig ena.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 25:18

Yerusalem ha sitys Yuda ha'ga myghternedh ha'ga fennsevigyon, dh'aga gul magor, ynyalder, hwibana ha molleth, dell yns hedhyw;

Yeremia 26:6

ena my a wra an chi avel Shilo ha gul an sita ma bos molleth dhe oll genedhlow an nor.

Yeremia 29:18

Ha my a's helgh gans an kledha, gans an divoetter, ha gans an pla, ha'ga gorra dhe vos euth dhe oll gwlaskordhow an nor, dhe vos molleth ha skruth ha hwibana, ha keredh yn mysk oll an kenedhlow le ma's fesis,

Yeremia 29:22

Hag i a vydh ensampel rag oll an dhivresow a Yuda yn Babylon pan wrons mollethi, ow leverel: ‘Re'th wrello an Arloedh avel Sedekia hag Ahab, a veu rostys y'n tan gans myghtern Babylon’,

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Yeremia 44:12

My a gemmer remenant Yuda, re settyas aga fas dhe dhos ha triga yn pow Ejyp, hag i oll a vydh diswrys, ha koedha yn pow Ejyp; i a vydh diswrys gans an kledha ha gans an divoetter, a'n lyha dhe'n meurra; i a verow gans an kledha ha gans an divoetter; hag i a vydh molleth, hag euth, ha milliga ha keredh.

Ezekiel 14:8

My a sett ow fas erbynn an gour ma ha'y wul ensampel ha henlavarow, ha my a'n tregh yn-mes a'm pobel. Ena hwi a woer my dhe vos an Arloedh.

Zekaria 8:13

Ha kepar dell vewgh molleth yn mysk an kenedhlow, A ji Yuda ha ji Ysrael, yn kettella my a wra agas sawya, ha hwi a vydh bennath. Na berthewgh dout, mes krevhewgh agas diwleuv.

Matthew 21:41

Yn-medhons dhodho, ‘Ev a dhistru an debeles na yn hager, ha settya an winlann dhe diogyon erell, neb a vynn ri dhodho an drevas yn hy frys.’

Matthew 22:7

Ha'n myghtern a sorras hag a dhannvonas y luyow dhe dhiswul an dhenledhysi na hag a loskas aga sita.

Oberow 11:26

ha pan y'n kavas ev a'n dros dhe Antiogh. Dell hwarva ynwedh i a omguntellas gans an eglos dres blydhen dhien, ha dyski niver meur a dus. Hag yn Antiogh yn kynsa an dhyskyblon a veu henwys Kristonyon.

Romanyon 9:26

‘Hag y'n keth le may feu leverys dhedha, “Nyns owgh ow fobel”, ena i a vydh henwys mebyon an Duw bew.’

1 Thessalonianys 2:16

orth agan lettya a gewsel orth an Jentilys may fens i selwys, may hwrellens kollenwel aga feghosow pup-prys. Mes an sorr a dheuth warnedha wortiwedh.

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.