Ysay 65:12 - An Bibel Kernewek 20234 (Kernewek Kemmyn)

¹² My a wra agas destna rag an kledha, ha hwi oll a ombleg dhe'n ladhva; rag my a'gas gelwis, mes ny worthybsowgh, my a gewsis mes ny glewsowgh. Hwi a wrug drog a-wel dhymm ha dewis an dra na veu plegadow dhymm.

Ysay 65:12 ပူးပေါင်းရင်းမြစ်များ

Ysay 1:16

Omwolghewgh, omlanhewgh; kemmerewgh agas drog wriansow yn-mes a'm gwel; hedhewgh a gammwul,

Ysay 1:20

mes mar skonyowgh ha rebellya, hwi a vydh dybrys gans an kledha; rag ganow an Arloedh re gewsis.

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Ysay 3:25

Dha wer a goedh der an kledha, ha'th kasoryon y'n gas.

Ysay 34:2

Rag yma sorrvann dhe'n Arloedh erbynn oll an kenedhlow, ha konnar erbynn oll aga luyow. Ev re's distruis ha'ga ri dhe ladhva.

Ysay 34:5

Rag ow kledha re evas y walgh yn nev; otta, ev a dhiyskynn war Edom, ha war bobel a wrugavy aga sakra rag breus.

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Ysay 41:28

My a viras, mes nyns esa denvyth; yn mysk an re ma nyns eus kusulyer vyth, neb pan wovynnav, a re gorthyp.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 59:15

Gwirder a fyll, ha neb a dreyl dhiworth drog yw kemmerys avel preydh. An Arloedh a welas hag a veu displesys drefenn na veu gwirvreus.

Ysay 63:6

My a drettyas poblow y'm sorr, ha'ga medhwi y'm konnar, ha dinewi aga sugen war an dor.’

Ysay 65:3

pobel usi orth ow frovokya dhe sorr dhe'm fas heb hedhi, usi prest ow sakrifia y'n lowarthyow hag ow leski offrynnow war alteryow brykkys;

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Yeremia 16:17

Rag yma ow dewlagas war oll aga fordhow: nyns yns kudhys a'm golok, na nyns yw aga hammhynseth kudhys a'm dewlagas.

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Yeremia 34:17

Rakhenna yndellma y lever an Arloedh: Ny woslewsowgh orthiv ow krontya rydhses, pubonan dh'y vroder ha pubonan dh'y gentrevek; otta, my a wront rydhses dhywgh yn-medh an Arloedh, dhe'n kledha, dhe'n pla, ha dhe'n divoetter. My a'gas gwra euth dhe oll gwlaskordhow an nor.

Yeremia 35:17

Ytho, yndellma y lever an Arloedh, Duw an luyow, Duw Ysrael: My a dhre war Yuda ha war oll annedhysi Yerusalem pub terroes re leveris er aga fynn; rag my re gewsis dhedha ha ny woslowsons, my re elwis dhedha mes ny worthybsons.’

Yeremia 7:13

Ha lemmyn, drefenn hwi dhe wul oll an taklow ma, yn-medh an Arloedh, ha my a gewsis dhywgh, ow sevel a-varr hag ow kewsel, mes ny glewsowgh; ha my a elwis dhywgh, mes ny worthybsowgh;

Yeremia 7:27

Ytho ty a gews oll an geryow ma dhedha; mes ny wrons goslowes orthis: ty a elow dhedha; mes ny worthybons dhis.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Mika 5:15

Hag yn sorr hag yn konnar y talvydhav dial war an kenedhlow na obayas.

Zekaria 7:7

A nyns yw an re ma an geryow a armas an Arloedh dre'n profoesi a-henys, pan veu Yerusalem annedhys ha kosel, ha'n trevow yn hy hyrghynn ha'n Negeb ha'n Shefela annedhys ynwedh?

Matthew 22:3

Hag ev a dhannvonas y gethwesyon dhe dhri an dus gelwys dhe dhos dhe'n demmedhyans, mes i ny vynnens dos.

Matthew 22:7

Ha'n myghtern a sorras hag a dhannvonas y luyow dhe dhiswul an dhenledhysi na hag a loskas aga sita.

Yowann 1:11

Ev a dheuth dh'y byth y honan, ha ny'n degemmeras y dus y honan.

Dewteronomi 32:25

A-ves, an kledha a wra dhe dus bos anvap, hag a-ji, yma euth rag gour yowynk ha gwyrghes, an flogh ow tena, gans an gour a vlew loes.