Ysay 65:11 - An Bibel Kernewek 20234 (Kernewek Kemmyn)

¹¹ Mes hwi neb a forsak an Arloedh, hag ankevi ow menydh sans, ha pareusi moes rag Fortun ha lenwel bollow a win kemmyskys rag Tenkys;

Ysay 65:11 ပူးပေါင်းရင်းမြစ်များ

2 Myghternedh 21:3

Ev a dastrehevis an tylleryow ughel a dhistruis y das Hezekia; ev a dhrehevis alteryow dhe Baal, ev a wrug Ashera, dell wrussa Ahab myghtern Ysrael, gordhya oll lu nev, ha'ga servya.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Salmow 132:13

Rag an Arloedh re dhewisas Sion, ev re yeunis war hy lergh dhe vos trigva dhodho:

Salmow 137:5

Mara'th ankovav, A Yerusalem, re wetthro ow leuv dhyghow.

Ysay 1:28

An re a rebell ha'n beghadoryon a vydh distruys war-barth, ha'n re a forsak an Arloedh a dhe goll.

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Ysay 57:13

Pan griydh rag gweres, gwres dha guntellow a idolys dha sawya! An gwyns a's dheg i oll dhe-ves, hag anall a's hwyth dhe-ves. Mes neb a hwila skovva ynnov vy a bew an tir, hag erita ow menydh sans.

Ysay 65:25

Bleydh hag oen a beur war-barth, ha lew avel ojyon a dheber kala', mes doust a vydh boes rag sarf. Ny wrons dregynn na distrui yn oll ow menydh sans, yn-medh an Arloedh.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Yeremia 17:13

A Arloedh, govenek Ysrael, peub a'th forsak a vydh methek, ha'n re a dreyl a-dhiworthiv a vydh skrifys y'n dor, drefenn i dhe forsakya fenten an dowrow bew, an Arloedh.

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 2:28

Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Yeremia 7:18

An fleghes a guntell prenn, ha'n tasow a enow an tan, ha'n benynes a does an toes, dhe wul tesennow dhe vyghternes nev; hag i a dhinwa offrynnow diwes dhe dhuwow erell, ma'm provoksons dhe sorr.

Dewteronomi 32:17

I a sakrifias dhe jevanow a-der dhe Dhuw, duwow na aswonnsons, dhe dhuwow nowydh devedhys degynsow, na wodhva aga thasow travyth anedha.

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,