Ysay 64:6 - An Bibel Kernewek 20234 (Kernewek Kemmyn)

⁶ Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.

Ysay 64:6 ပူးပေါင်းရင်းမြစ်များ

2 Samuel 22:46

Estrenyon a gemmer digolonn, i a dheu ow krena yn-mes a'ga heryow.

Job 14:4

Piw a yll dri neppyth glan dhiworth neppyth mostys? Denvyth.

Job 25:4

Fatell yll den bos gwiryon a-rag Duw? Fatell yll den dineythys a venyn bos glan?

Job 40:4

‘Otta, distyr ov vi; fatell allav gorthybi dhis? My a gudh ow ganow gans ow leuv.

Salmow 1:4

Nyns yw yndellma an debeles, mes yth yns i avel kulyn a wra an gwyns y hwytha dhe-ves.

Salmow 14:4

A ny gonvedh an dhrogoberoryon oll, hag i ow tybri ow fobel kepar dell dhebrons bara? Ny alwsons war Dhuw.

Salmow 51:5

Otta, yn kammweyth y feuv vy dineythys, hag yn pegh y'm omdhuk ow mamm.

Ysay 1:28

An re a rebell ha'n beghadoryon a vydh distruys war-barth, ha'n re a forsak an Arloedh a dhe goll.

Ysay 1:30

Rag hwi a vydh avel derebinthenn gwedhrys hy del, hag avel lowarth heb dowr.

Ysay 43:22

Saw ny elwsys warnav, A Yakob; mes ty re beu skwithys orthiv, A Ysrael.

Ysay 46:12

Goslowewgh orthiv, hwi hardh agas kolonn, hwi neb yw pell a ewnder:

Ysay 48:1

Klew hemma, A ji Yakob, hwi neb yw henwys orth hanow Ysrael, hag a dheuth dhiworth dowrow Yuda, hag a wra ti re hanow an Arloedh, ha gelwel war Dhuw Ysrael, mes ny'n gwrons yn gwiryonedh nag yn ewnder.

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Ysay 8:17

My a worta an Arloedh neb a gudh y fas dhiworth chi Yakob, hag ynno y fydh ow govenek.

Daniel 9:13

Dell veu skrifys yn lagha Moyses, yma koedhys oll an droglamm ma warnan; mes ny dhiserrsyn tremmynn an Arloedh agan Duw, ow treylya dhiworth agan kammweyth hag ow konvedhes dha wiryonedh.

Hosea 4:19

An gwyns a's maylyas yn hy eskelli, hag y fydhons methek a'ga sakrifisow.

Hosea 7:7

I oll yw mar doemm avel forn, hag i a dhevoryas aga breusydhyon. Oll aga myghternedh re goedhas, ha ny wra nagonan anedha gelwel warnav.

Levitikus 13:12

Ha mar omles an lovryjyon y'n kneus ha gorheri yn tien kneus an den plagys, a'y benn bys yn y droes, plepynag may firro an oferyas,

Zekaria 3:3

Lemmyn, Yoshua a veu gwiskys yn dillas plos pan esa ow sevel a-rag an el.

Romanyon 7:18

Rag y hwonn na drig ynnov travyth da, henn yw y'm kig. Yma parys genev an mynnas, mes kowlwul an da – ny allav.

Romanyon 7:24

Truan dell ov! Piw a'm delirv dhiworth korf an mernans ma?

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

Diskwedhyans 7:13

Hag onan a'n henavogyon a worthybis, ow leverel dhymm ‘Piw yw an re ma yw gwiskys yn powsyow gwynn hag a-ble teuthons?’