Ysay 64:3 - An Bibel Kernewek 20234 (Kernewek Kemmyn)

³ Pan wrussys taklow euthyk na waytsyn, ty a dheuth yn-nans, ha'n menydhyow a grysyas a-ragos.

Ysay 64:3 ပူးပေါင်းရင်းမြစ်များ

2 Samuel 7:23

Piw yw haval dhe'th pobel, haval dhe Ysrael, kenedhel dhibarow y'n norvys, neb eth Duw dh'y dasprena avel pobel ragdho y honan, ha dhe wul hanow ragdho, ha dhe wul ragowgh traow bras hag euthyk, rag dha wlas, a-dherag dha bobel, a dhasprensys ragos dha honan dhiworth Ejyp, a-dhiworth an kenedhlow ha'ga duwow?

Salmow 106:22

gwriansow marthys yn pow Ham, ha gwriansow euthyk ryb an Mor Rudh.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Salmow 66:5

Dewgh, ha gwelewgh gwriansow Duw; euthyk yw ev yn y weythres orth mebyon den.

Salmow 68:8

an nor a grenas, an nevow ynwedh a dheveras a-dherag Duw; ha Sinay y honan a dhegrenas a-dherag Duw, Duw Ysrael.

Salmow 76:12

Ev a fronn an spyrys a bennsevigyon; euthyk yw ev orth myghternedh an nor.

Eksodus 34:10

Hag ev a leveris, Otta, my a wra dhis kevambos. A-rag oll dha bobel my a wra anethow a'n par na vons gwrys war oll an norvys nag yn py kenedhel bynag; hag oll an bobel mayth esos yn aga mysk a wra gweles ober an Arloedh rag yth yw tra euthyk hag a wrav genes.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 64:1

Unnweyth a kwrelles skwardya an nevow ha dos yn-nans, ha'n menydhyow ow krysya a-ragos!

Habakkuk 3:3

Duw a dheu dhiworth Teman, ha'n Sans dhiworth menydh Paran. Sela. Y veuredh re gudhas an nevow, ha'y wormola re lenwis an nor.

Habakkuk 3:6

Ev re sevis ha musura an norvys, ev re welas an kenedhlow, ha gul dhedha lemmel; brewys veu an menydhyow heb diwedh, omblegya a wrug an breow a bes vynitha: dhodho yw an fordhow a bes vynitha.

Dewteronomi 10:21

Ev yw dha wormel, hag ev yw dha Dhuw a wrug ragos an taklow bras hag euthyk ma a welas dha dhewlagas.

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?