Ysay 64:11 - An Bibel Kernewek 20234 (Kernewek Kemmyn)

¹¹ Agan chi sans ha gloryus, le may hwre agan tasow dha wormel yw leskys gans tan, hag oll agan tylleryow teg re dheuth ha bos magoryow.

Ysay 64:11 ပူးပေါင်းရင်းမြစ်များ

2 Myghternedh 25:9

Ev a loskas chi an Arloedh, ha chi an myghtern, hag oll chiow Yerusalem; pub chi bras ev a loskas gans tan.

Kynvannow 1:7

Yerusalem a berth kov, yn dydhyow hy anken ha'y diannetter, a'y fythow desirys oll a's tevo y'n dydhyow koth. Pan goedhas hy fobel yn dorn an eskar, heb denvyth a's gweressa, an eskerens a's gwelas, ha gul ges a'y therroes.

2 Kroniklys 36:19

I a loskas chi Duw, i a dorras dhe'n dor fos Yerusalem; i a loskas oll hy falesyow gans tan, hag a dhiswrug oll hy lestri drudh.

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Yeremia 52:13

Ev a loskas chi an Arloedh, ha chi an myghtern, hag oll chiow Yerusalem; pub chi meur ev a loskas gans tan.

Matthew 24:2

Hag ev a worthybis ha leverel dhedha, ‘A ny welowgh hwi oll hemma? Yn hwir y lavarav dhywgh, ny vydh gesys omma men war ven na vydh terrys dhe'n dor.’

Ezekiel 24:25

Ha ty, A vab den, y'n jydh may hwrav vy kemmeres dhiworta aga skons, lowena aga thekter, delit aga dewlagas, desir aga enev, hag ynwedh aga mebyon ha'ga myrghes –

2 Kroniklys 7:6

An oferysi a sevis yn aga thylleryow apoyntys, ha'n Levysi ynwedh, gans daffar menestrouthi an Arloedh, a wrug Davydh an myghtern rag ri grasow dhe'n Arloedh – rag y dregeredh a dhur bys vykken – peskweyth may profyas Davydh gormola dredha. A-dal dhedha an oferysi a sonas hirgern, hag oll Ysrael a'ga sav.

2 Kroniklys 7:3

Pan welas oll mebyon Ysrael an tan ow tiyskynna ha glori an Arloedh war an tempel, i a omblegyas war an leur ha'ga fas dhe'n dor, hag a wordhyas hag a ros grasow dhe'n Arloedh ow leverel, ‘Rag ev yw da, rag y dregeredh a dhur bys vykken.’

2 Kroniklys 6:4

Ev a leveris, ‘Benniges re bo an Arloedh, Duw Ysrael, neb gans y leuv re geweras an pyth a ambosas gans y anow dhe Davydh ow thas, ow leverel,

1 Myghternedh 8:56

‘Benniges re bo an Arloedh, re ros powes dh'y bobel Ysrael herwydh pup-tra a ambosas; ny fyllis ger vyth a'y ambos da, a gewsis der y was Moyses.

1 Myghternedh 8:14

Ena an myghtern a dreylyas yn tro ha benniga oll kuntelles Ysrael, hag oll kuntelles Ysrael a'y sav.

Dewteronomi 29:23

Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

Ysay 63:18

Rag termyn kott dha bobel sans a'n eritas, mes lemmyn agan eskerens re drettyas dha sentri yn-dann dreys.

Kynvannow 2:1

Assa wrug an Arloedh yn y sorr dhe vyrgh Sion bos kudhys gans kommol! ev re dewlis yn-nans dhiworth nev bys yn nor an splannder a Ysrael; ny borthas ev kov a'y skavell-droes yn dydh y sorr.

Zekaria 1:12

Hag el a'n Arloedh a worthybis, ‘Arloedh an luyow, pes termyn ny gemmerydh truedh a Yerusalem hag a sitys Yuda, may serrsys orta an deg blydhen ha tri-ugens ma?’