Ysay 64:1 - An Bibel Kernewek 20234 (Kernewek Kemmyn)

¹ Unnweyth a kwrelles skwardya an nevow ha dos yn-nans, ha'n menydhyow ow krysya a-ragos!

Ysay 64:1 ပူးပေါင်းရင်းမြစ်များ

Salmow 46:6

An kenedhlow a dervas, an gwlaskordhow a grenas; ev a ros y lev, an nor a deudhis.

Salmow 68:8

an nor a grenas, an nevow ynwedh a dheveras a-dherag Duw; ha Sinay y honan a dhegrenas a-dherag Duw, Duw Ysrael.

Salmow 79:10

Prag y lever an kenedhlow, ‘Ple'ma aga Duw?’ Bedhes diskwedhys dhe'n kenedhlow yn agan golok ni dial rag an goes skoellys a'th wesyon.

Eksodus 19:11

ha bydh parys erbynn an tressa dydh; rag y'n tressa dydh an Arloedh a wra diyskynna war venydh Sinay a-wel an bobel oll.

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Ysay 41:15

Otta, my a'th wra draylell-dhrushya, lymm, nowydh, ha dhedhi dyns, ty a dhrusha an menydhyow, ha'ga brewi, ha ty a wra an breow avel us.

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Ysay 63:19

Ni re beu a-henys kepar ha'n re na rewlsys warnedha, kepar ha'n re na veu dha hanow gelwys warnedha.

Amos 9:13

Otta dydhyow ow tos, yn-medh an Arloedh, may teu an aradror nes dhe'n myser, ha trettyer an grappys dhe haser an has; ha'n menydhyow a dhinwa sugen grappys, ha teudhi a wra an brennow oll.

Amos 9:5

An Arloedh, Duw an luyow – ev a doch an tir ha teudhi a wra, ha myns eus trigys ynno a gyn, hag oll an tir a sev kepar ha'n Nil, ha koedha arta, kepar ha'n Nil yn Ejyp;

Zekaria 14:4

Ha'y dreys a wra sevel, y'n jydh na, war an menydh Oliv, usi a-rag Yerusalem dhe'n howldrevel, ha'n menydh Oliv a vydh folsys yn dew hanter a'n howldrevel dhe'n howlsedhes, nans fest bras; ha hanter an menydh a vydh removyes dhe'n kledh, ha hanter dhe'n dyghow.

Mark 1:10

Ha kettell dheuth yn-bann yn-mes a'n dowr, ev a welas an nevow terrys igor, ha'n Spyrys kepar ha kolomm ow tiyskynna warnodho;

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.