Ysay 63:7 - An Bibel Kernewek 20234 (Kernewek Kemmyn)

⁷ Meneges tregeredhow an Arloedh a wrav, ha gormoledhow an Arloedh, war-lergh pup-tra a wrug an Arloedh ragon, ha lies tra dha rag chi Ysrael a wrug ev ragdha war-lergh y druedhow ha war-lergh palster y dregeredh.

Ysay 63:7 ပူးပေါင်းရင်းမြစ်များ

1 Myghternedh 8:66

Y'n ethves dydh ev a dhannvonas an bobel dhe-ves; hag i a vennigas an myghtern, ha mos dh'aga thyldow, lowenek hag yn spyrys da drefenn an dader oll a dhiskwedhas an Arloedh dh'y was Davydh ha dh'y bobel Ysrael.

2 Kroniklys 7:10

Y'n tressa dydh warn ugensves a'n seythves mis ev a dhannvonas an bobel dhe-ves dh'aga threvow, lowenek ha heudh aga holonn, drefenn an dader a dhiskwedhas an Arloedh dhe Davydh ha dhe Solomon ha dh'y bobel Ysrael.

Nehemia 9:25

I a gemmeras sitys kerys ha tir feyth hag i a eritas chiow leun a bup-tra da, puthow pelys, gwinlannow, hag olewbrennyer, ha gwydh froeth pals. Ytho i a dhybris, hag a veu lenwys, hag a dheuth ha bos tew hag i a lowenhas y'th tader bras.

Nehemia 9:27

Ytho ty a's ros yn leuv aga eskerens, hag i a's arwaskas. Mes yn termyn aga ahwer, i a grias dhis, ha ty a's klewas dhiworth nev, ha herwydh dha druedh bras ty a ros dhedha selwadoryon neb a's sawyas dhiworth leuv aga eskerens.

Nehemia 9:31

Byttegyns, y'th truedh bras ny wrussys aga leun dhistrui na'ga forsakya, rag ty yw Duw grassyes ha truedhek.

Nehemia 9:35

Hwath yn aga gwlaskor aga honan, hag y'th tader bras a resys dhedha y'n tir efan ha feyth, ny'th servsons na ny dreylsons dhiworth aga drog weythresow.

Salmow 103:2

Bennik an Arloedh, ow enev, ha na ankov oll y dhader;

Salmow 107:15

A krassens i dhe'n Arloedh y dregeredh, ha'y varthusyon rag mebyon den!

Salmow 107:21

A krassens i dhe'n Arloedh y dregeredh, ha'y varthusyon rag mebyon den!

Salmow 107:31

A krassens i dhe'n Arloedh y dregeredh, ha'y varthusyon rag mebyon den!

Salmow 107:8

A krassens i dhe'n Arloedh y dregeredh, ha'y varthusyon rag mebyon den!

Salmow 145:7

I a dhiskwa kovadh dha dhader hel, ha kana yn lowen a'th ewnder.

Salmow 25:6

Porth kov, A Arloedh, a'th truedh ha'th tregeredh, rag i re beu yn few trank heb worfenn.

Salmow 51:1

Bydh grassyes orthiv, A Dhuw, herwydh dha dregeredh; herwydh dha druedh meur defend dhe-ves ow hammweythresow.

Salmow 63:3

Rag gwell yw dha dregeredh ages bewnans; ow diwweus a'th wormel.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Salmow 92:2

ow terivas dha dregeredh myttinweyth, ha'th lelder nosweyth,

Eksodus 18:9

Ha Yethro a lowenhas rag oll an dader re wrussa an Arloedh dhe Ysrael, orth aga livra yn-mes a dhorn a'n Ejyptianys.

Ysay 26:13

A Arloedh agan Duw, arlydhi erell re'gan rewlyas a-der ty, mes dha hanow unnsel ni a venek.

Ysay 51:2

Mirewgh orth Abraham, agas tas, hag orth Sara a'gas dineythis; rag nyns o ev marnas onan pan y'n gelwis, mes my a'n bennigas ha'y wul lies.

Ysay 54:10

Rag kyn fo an menydhyow removyes, ha'n breow kemmerys dhe-ves, ny vydh ow thregeredh removyes dhiworthis, na ny vydh ow hevambos a gres kemmerys dhe-ves, yn-medh an Arloedh, neb a gemmer truedh ahanas.

Ysay 54:7

Unn pols byghan my a'th forsakys, mes gans truedh meur my a'th kuntell.

Ysay 54:8

Yn liv a gonnar my a gudhas ow fas dhiworthis pols, mes gans tregeredh heb diwedh my a gemmer truedh ahanas, yn-medh an Arloedh, dha Dhasprenyas.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ysay 64:5

Ty a vet ganso ev neb a lowenha ha gul ewnder, neb a berth kov ahanas y'th fordhow. Otta, ty a sorras, ha ni a begha prest; mar siwyn dha fordhow, ni a vydh sawys.

Kynvannow 3:32

Kyn hwra grev, byttegyns ev a gemmer truedh herwydh braster y dregeredh;

Hosea 2:19

My a wra ambosa dhe'th temmedhi bys vynitha; my a wra ambosa dhe'th temmedhi yn ewnder ha gwirvreus, yn tregeredh hag yn truedh.

Zekaria 9:17

Ass yw meur y dhader, hag ass yw meur y dekter! Greun a wra dhe'n wer yowynk seweni, ha gwin nowydh an myrghes.

Matthew 7:11

Hwi, ytho, ow pos drog, mar kodhowgh ri rohow da dh'agas fleghes, pygemmys moy y re agas Tas y'n nevow dhe'n re a wovynn orto!

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

Romanyon 5:20

Mes an lagha a dheuth, rag palshe an kammweythres; mes y'n tyller may palshi pegh, gras a balshi dhe voy,

Efesianys 2:4

Mes Duw, rych yn tregeredh, drefenn y gerensa meur ma'gan karas,

1 Timothi 1:14

Ha gras agan Arloedh a wrug palshe gans fydh, ha'n kerensa usi yn Krist Yesu.