Ysay 63:5 - An Bibel Kernewek 20234 (Kernewek Kemmyn)

⁵ My a viras, mes nyns esa denvyth ow kweres; skruth a'm kemmeras, nag esa denvyth ow skoedhya; ytho ow bregh ow honan a wrug delivrans, ha'm sorr a'm skoedhyas.

Ysay 63:5 ပူးပေါင်းရင်းမြစ်များ

Salmow 107:12

Ev a iselhas aga holonn gans lavur; i a drebuchyas, ha nyns esa denvyth a's gweressa.

Salmow 22:11

Na vydh pell dhiworthiv, rag anken a dheu yn ogas ha nyns eus neb a weresso.

Salmow 44:3

Rag ny berghennsons an tir der aga kledha aga honan, ha nyns o aga bregh aga honan a ros budhogoleth dhedha; mes dha leuv dhyghow jy ha'th vregh, ha golow dha fas, rag ty a's kara.

Salmow 69:20

Mewl re dorras ow holonn, ha paynys bras a'm beus. My a hwilas neb a gemmerra truedh ahanav, mes nyns esa; ha konforters, mes ny's kevis.

Salmow 94:16

Piw a omdhrehav ragov erbynn an debeles? Piw a sev ragov erbynn an dhrogoberoryon?

Salmow 98:1

Kenewgh dhe'n Arloedh kan nowydh, rag ev re wrug marthusyon. Y leuv dhyghow ha'y vregh sans re wrug budhogoleth ragdho.

Ysay 40:10

Otta, an Arloedh Duw a dheu gans nerth ha'y vregh a rewl ragdho; otta, yma y wober ganso, ha'y werison a-ragdho.

Ysay 41:28

My a viras, mes nyns esa denvyth; yn mysk an re ma nyns eus kusulyer vyth, neb pan wovynnav, a re gorthyp.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 51:5

Ogas yw ow delivrans, gallas ow selwyans yn-mes, ha'm diwvregh a vreus an kenedhlow; an ynysow a'm gorta, hag y'm bregh i a fydh.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Ysay 63:3

‘My re drettyas an winwask ow honan; dhiworth an kenedhlow nyns esa denvyth genev. My a's trettyas y'm sorr ha'ga stankya y'm konnar; aga sugen a lagennas war ow gwiskas, ha namma oll ow dillas.

Ezekiel 22:30

My a hwilas gour anedha a vynna drehevel an fos ha sevel a-ragov y'n aswa, ma na ve an pow distruys, mes ny'n kevis.

Hosea 1:7

Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’

Yowann 16:32

Otta, termyn a dheu, ha re dheuth, pan vydhowgh skattrys, peub dh'y dre, ha'm gasa ow honan; mes nyns ov vy ow honan, rag bos an Tas genev.

1 Korinthianys 1:24

mes dhe'n re neb yw selwys, keffrys Yedhewon ha Grekys, Krist nerth Duw ha skentoleth Duw.