Ysay 63:2 - An Bibel Kernewek 20234 (Kernewek Kemmyn)

² ‘Prag yth yw dha wiskas rudh, ha'th tillas avel nebonan ow trettya yn gwinwask?’

Ysay 63:2 ပူးပေါင်းရင်းမြစ်များ

Jenesis 49:11

Ow kelmi y asenik dhe'n gwinbrenn hag ebel y gasek-asen dhe'n gwinbrenn flour, ev a wolgh y dhillas y'n gwin, ha'y bows yn goes grappys.

Ysay 59:17

Ev a wiskas ewnder avel hoberjon, ha basnett a selwyans war y benn; ev a wiskas dillas dial rag gwisk, hag omvaylya yn diwysykter avel mantell.

Ysay 63:1

‘Piw yw hemma ow tos dhiworth Edom, yn dillas rudhgogh dhiworth Bosra? Piw yw hemma gwiskys yn splannder, ow kerdhes yn-rag yn y alloes bras?’ ‘My y'th yw, ow kewsel yn ewnder, galloesek dhe sawya.’

Ezekiel 35:6

rakhenna, dell vewav, yn-medh an Arloedh Duw, my a'th taskorr dhe woes, ha goes a'th helgh; drefenn na wrussys kasa goes, goes a'th helgh.

Diskwedhyans 14:19

Ha'n el a swaysyas y gromman dhe'n dor, ha kuntell trevas gwinwydhenn an dor ha'y thewlel y'n winwask vras a'n sorr a Dhuw.

Diskwedhyans 19:13

Ha gwiskys o yn mantell troghys yn goes: ha gelwys yw y hanow, ‘Ger Duw.’

Diskwedhyans 19:15

Ha kledha lymm a yn-mes a'y anow, may hwasko an kenedhlow ganso, hag ev a wra aga rewlya gans gwelenn horn, hag ev a drett gwinwask konnar sorr Duw Ollgalloesek.