Ysay 63:17 - An Bibel Kernewek 20234 (Kernewek Kemmyn)

¹⁷ Prag re'gan gwrussys dhe wandra dhiworth dha fordhow, A Arloedh, ha kaleshe agan kolonn ma na borthen own ahanas? Dehwel a-barth dha servysi, loethow dha eretons.

Ysay 63:17 ပူးပေါင်းရင်းမြစ်များ

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Yoshua 11:20

Y feu an Arloedh y honan grevhas aga holonnow, may tothyens erbynn Ysrael yn kas, rag aga sakra dhe dhistruyans, ha ma na's teffa mersi, mes rag ma's distrua, dell worhemmynnis an Arloedh dhe Moyses.

Dewteronomi 2:30

Mes ny vynnas Sihon myghtern Heshbon agan gasa dhe dreusi, drefenn an Arloedh dha Dhuw dhe avleythi y spyrys ha kaleshe y golonn, rag ma'n rolla y'th leuv, avel an jydh ma.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Yowann 12:40

‘Ev re dhallhas aga dewlagas, hag ev re galeshas aga holonn, rag na hwrellons gweles gans aga dewlagas, na konvedhes gans aga holonn, na bos treylys, may hwrylliv aga sawya.’

Salmow 90:13

Dehwel, A Arloedh; pygemmys prys? Bydh truedhek orth dha wesyon.

Niverow 10:36

Ha pan bowesa hi, ev a leveri, ‘Dehwel, A Arloedh, dhe'n deg milyow a vilyow Ysrael.’

Zekaria 1:12

Hag el a'n Arloedh a worthybis, ‘Arloedh an luyow, pes termyn ny gemmerydh truedh a Yerusalem hag a sitys Yuda, may serrsys orta an deg blydhen ha tri-ugens ma?’

Salmow 141:4

Na bleg ow holonn dhe dravyth dhrog, dhe wul drogoberow gans gwer a wra sherewneth; na as vy dhe dastya aga boesow sawrek.

Salmow 119:36

Pleg ow holonn troha'th tustuniow, ha na wra hy flegya troha krefni.

Salmow 119:10

A leun golonn my re'th hwilas; na as vy dhe vos yn stray dhiworth dha worhemmynnow.

Salmow 80:14

Treyl arta, ni a'th pys, A Dhuw an luyow, mir war-woeles dhiworth nev ha gwel, ha gwra vri a'n gwinbrenn ma;

Eksodus 4:21

Ha'n Arloedh a leveris dhe Moyses, ‘Pan dhehwelydh dhe Ejyp, gwayt gul a-rag Faro an marthusyon oll hag a res vy yn dha dhorn, mes my a wra kaleshe y golonn ma na asso an bobel dhe vones.

Eksodus 11:10

Moyses hag Aron a wrug oll an marthusyon ma a-rag Faro; ha'n Arloedh a galeshas kolonn Faro, ha ny asas mebyon Ysrael dhe vones yn-mes a'y dir.

Ysay 29:14

rakhenna, awotta, my a wra marthusyon arta gans an bobel ma, marthus hag aneth. Furneth aga thus fur a vydh ow mos dhe goll, ha skians aga thus dhoeth a vydh kudhys.

Ysay 30:28

Y hwyth yw avel avon ow fenna ow trehedhes bys an konna, dhe groedra an kenedhlow gans kroeder a dhistruyans, ha gorra fronn war dhiwen an bobel a wra dhedha mos yn stray.

Kynvannow 3:9

Ev re geas ow fordhow gans meyn treghys, ha kamma ow hynsyow.

Ezekiel 20:26

My a's defolas der aga rohow aga honan, owth offrynna oll aga re kynsa-genys, rag may kwrellen vy aga euthega, may hwodhvens my dhe vos an Arloedh.

Ysay 19:25

Arloedh an luyow a's bennik, ow leverel, ‘Benniges re bo ow fobel Ejyp, hag ober ow diwla Assyria, hag Ysrael ow eretons.’