Ysay 63:16 - An Bibel Kernewek 20234 (Kernewek Kemmyn)

¹⁶ Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Ysay 63:16 ပူးပေါင်းရင်းမြစ်များ

1 Kroniklys 29:10

Davydh a vennigas an Arloedh a-dherag an kuntelles oll. Ha Davydh a leveris, ‘Benniges os, A Arloedh, Duw Ysrael agan tas, bys vykken ha bynnari.

Job 14:21

Enorys yw y vebyon ha ny'n goer ev; iselhes yns, ha ny'n gwel.

Eksodus 4:22

Ha ty a lever dhe Faro, “Yndellma y lever an Arloedh: Ow hynsa-genys yw Ysrael;

Ekklesiastes 9:5

Rag an re vew a woer i dhe verwel, mes ny woer an re varow travyth; nyns eus pewas moy dhedha, ha kellys vydh hwath an kov anedha.

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Ysay 29:22

Rakhenna yndellma y lever an Arloedh, neb a dhasprenas Abraham, a-dro dhe ji Yakob: Na fella ny vydh Yakob ow kemmeres meth, ha na fella ny vydh y fas gwannliwek;

Ysay 41:14

Na borth own, ty bryv, Yakob, ty gontronenn Ysrael! My a wra dha weres, yn-medh an Arloedh, dha Dhasprenyas, an Sans a Ysrael.

Ysay 41:8

Mes ty, Ysrael, ow gwas, Yakob, neb re dhewisis, askorr Abraham, ow howeth;

Ysay 43:14

Yndellma y lever an Arloedh, dha dhasprenyer, an Sans a Ysrael: A'gas govis y tannvonav dhe Babylon, ha distrui aga fowesigyon oll, y'n gorholyon mayth esa aga kriow lowen ow tasseni.

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Ysay 45:11

Yndellma y lever an Arloedh, an Sans a Ysrael ha'y formyer: A wovynnowgh orthiv a-dro dhe'm fleghes, po ow erghi a-dro dhe ober ow diwla?

Ysay 51:2

Mirewgh orth Abraham, agas tas, hag orth Sara a'gas dineythis; rag nyns o ev marnas onan pan y'n gelwis, mes my a'n bennigas ha'y wul lies.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Ysay 60:16

Dena leth an kenedhlow ty a wra, ha dena bronn myghternedh. Ena ty a woer my, an Arloedh, dhe vos dha Selwyas, ha'th Tasprenyas, an Galloesek a Yakob.

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 3:19

Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Yeremia 3:23

Yn hwir euver yw toell an breow, ha tervans an menydhyow: yn hwir y'n Arloedh agan Duw yma selwyans Ysrael.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Malaki 2:10

A ny'gan beus, ni oll, unn Tas? A ny'gan gwrug unn Duw? Prag y hwren ni toella an eyl y gila, ow tisakra kevambos agan tasow?

Matthew 6:9

‘Yn kettellma ytho, gwrewgh pysi: Agan Tas ni eus y'n nevow, sanshes re bo dha hanow;

Yowann 8:41

Hwi a wra oberow agas tas.’ Ena i a leveris dhodho, ‘Nyns on ni dineythys dre fornikasyon. Yma dhyn unn Tas, Duw.’

Dewteronomi 14:1

Hwi yw mebyon dhe'n Arloedh agas Duw: ny omhakkyowgh, na ny wrewgh bloghter ynter agas dewlagas rag den marow.

Dewteronomi 32:6

A attylowgh an Arloedh yndella, pobel goeg ha diboell? A nyns yw ev dha Das, dha Wrier, neb a'th formyas, ha neb a'th fastyas?