Ysay 62:12 - An Bibel Kernewek 20234 (Kernewek Kemmyn)

¹² I a vydh gelwys, ‘An bobel sans, An re dasprenys gans an Arloedh’; ha ty a vydh gelwys Hwilys, Sita Nag yw Forsakys.

Ysay 62:12 ပူးပေါင်းရင်းမြစ်များ

Salmow 107:2

Leveres yn kettellma an re dasprenys gans an Arloedh, a wrug ev dhe dhasprena dhiworth dorn an eskar,

Eksodus 19:6

ha hwi a vydh dhymm gwlaskor a oferysi ha kenedhel sans. An re ma yw an geryow hag a wredh kewsel dhe vebyon Ysrael.’

Ysay 1:27

Sion a vydh dasprenys dre wirvreus, ha'n re anedha a dhehwel, der ewnder.

Ysay 35:8

Y fydh fordh-veur ena, ha hyns, hag y fydh henwys an Fordh a Sansoleth. Ny dremen an den avlan warnedhi, mes y fydh fordh rag pergherinyon, ny wra fellyon gwandra ynni.

Ysay 35:9

Ny vydh lew ena, ha ny yskynn best gwyls warnedhi ow preydha; ny vydhons kevys ena, mes an re dhasprenys a gerdh ena.

Ysay 4:3

Ev neb a vydh gesys yn Sion, neb a worta yn Yerusalem, a vydh henwys sans, pubonan neb a veu skrifys rag bewnans yn Yerusalem,

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 51:10

A ny veu ty hag a syghas an mor, dowrow an keynvor; neb a wrug downder an mor fordh may tremenna an re dasprenys warnedhi?

Ysay 52:3

Rag yndellma y lever an Arloedh: Hwi a veu gwerthys heb pemont, ha dasprenys vydhowgh heb arghans.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 62:2

An kenedhlow a wel dha ewnder, hag oll myghternedh dha glori, Ty a vydh gelwys gans hanow nowydh a wra ganow an Arloedh y fastya.

Ysay 62:4

Ny vydhydh gelwys Forsakys na fella, na ny vydh dha dir gelwys Difeythys byth moy; rag ty a vydh gelwys Ynni ow Delit, ha'th tiredh Demmedhys; rag an Arloedh a'n jeves delit ynnos, ha'th tiredh a vydh demmedhys.

Ysay 63:18

Rag termyn kott dha bobel sans a'n eritas, mes lemmyn agan eskerens re drettyas dha sentri yn-dann dreys.

Ysay 65:1

My o hwilys gans an re na wovynnsons, kevys gans an re na'm hwilsons. My a leveris, ‘Awottavy, awottavy’, dhe genedhel nag esa ow gelwel war ow hanow.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Luk 19:10

Rag Mab an den a dheuth dhe hwilas ha dhe selwel an dra yw kellys.’

Yowann 10:16

Hag yma dhymm deves erell, nag yns a'n gorlann ma; res yw dhymm aga dri ynwedh, hag i a glew ow lev; hag y fydh unn flokk, unn bugel.

Yowann 4:23

Mes an eur a dheu, ha lemmyn yth yw, pan wra an wordhyoryon wir gordhya an Tas yn spyrys hag yn gwiryonedh; rag an Tas a hwila tus a'n par na dh'y wordhya.

Dewteronomi 26:19

ytho ev a'th sett ughel a-ugh oll an kenedhlow a wrug, rag gormel, rag hanow, rag enor, rag may fi pobel sans dhe'n Arloedh dha Dhuw kepar dell gewsis.

Dewteronomi 28:9

An Arloedh a wra dha fastya dhe vos pobel sans dhodho y honan kepar dell dos dhis, mar kwithydh gorhemmynnow an Arloedh dha Dhuw ha kerdhes yn y fordhow.

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;