Ysay 62:11 - An Bibel Kernewek 20234 (Kernewek Kemmyn)

¹¹ Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Ysay 62:11 ပူးပေါင်းရင်းမြစ်များ

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 42:10

Kenewgh dhe'n Arloedh kan nowydh, y wormola dhiworth penn an norvys! Tarannes an mor ha pup-tra eus ynno, an arvoryow ha'ga thrigoryon.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 49:4

Mes my a leveris, ‘Yn euver re lavuris, ha spena ow nerth rag travyth ha rag gwakter; byttegyns yma ow gwirvreus gans an Arloedh, ha'm pewas gans ow Duw.’

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Ysay 51:5

Ogas yw ow delivrans, gallas ow selwyans yn-mes, ha'm diwvregh a vreus an kenedhlow; an ynysow a'm gorta, hag y'm bregh i a fydh.

Ysay 59:20

Ev a dheu dhe Sion avel Dasprenyas, ha dhe'n re a dreyl dhiworth rebellyans yn Yakob, yn-medh an Arloedh.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Matthew 21:5

‘Lavar dhe vyrgh Sion, Awotta dha vyghtern a dheu dhiso klor hag esedhys war asen ha war ebel, mab asen.’

Mark 16:15

Hag ev a leveris dhedha, ‘Ewgh hwi yn oll an bys, ha pregewthewgh an aweyl dhe bub kreatur.

Yowann 12:15

‘Na gemmer own, myrgh Sion; otta, dha vyghtern a dheu, esedhys war ebel asen.’

Dewteronomi 30:4

Mar pe re a'th tivresow skattrys bys amal nev, alena y hwra an Arloedh dha Dhuw dha guntell hag alena y hwra dha gemmeres.

Diskwedhyans 22:12

‘Otta, my a dheu yn skon, hag yma ow gober genev, dhe ri dhe beub kepar dell yw y ober.