Ysay 61:6 - An Bibel Kernewek 20234 (Kernewek Kemmyn)

⁶ Hwi a vydh gelwys oferysi an Arloedh, ha hwi a vydh henwys menystrys agan Duw. Hwi a dheber rychys an kenedhlow, ha bostya yn aga glori.

Ysay 61:6 ပူးပေါင်းရင်းမြစ်များ

Eksodus 19:6

ha hwi a vydh dhymm gwlaskor a oferysi ha kenedhel sans. An re ma yw an geryow hag a wredh kewsel dhe vebyon Ysrael.’

Ysay 23:18

Hy gwayn ha'y gober a vydh sans dhe'n Arloedh; ny vydh kuntellys na gwithys, mes hy gwayn a vydh rag an re a drig a-rag an Arloedh, rag lanwes boes ha dillas splann.

Ysay 54:3

Rag ty a omles a-dhyghow hag a-gledh, ha'th has a erit an kenedhlow, hag a wra dhe'n sitys ynyal bos annedhys.

Ysay 56:6

Ha mebyon an estren a jun dhe'n Arloedh dh'y servya, ha dhe gara hanow an Arloedh dhe vos servysi dhodho, pubonan a with an sabot heb y dhisakra ha synsi fast ow kevambos –

Ysay 66:12

Rag yndellma y lever an Arloedh: Awottavy owth ystynn kres dhedha avel avon, ha glori an kenedhlow avel avon ow fenna; ha ty a dhen ha bos degys war hy klun, ha leskys war hy dewlin.

Ysay 66:21

Ynwedh re anedha my a gemmer dhe vos oferysi ha Levysi, yn-medh an Arloedh.

Yeremia 33:18

na ny vydh oferysi an Levysi heb gour y'm lok dhe offrynna offrynnow leskys ha dhe leski offrynnow ys, ha dhe wul sakrifisow bys vykken.

Ezekiel 14:11

rag na wrello chi Ysrael gwandra arta dhiworthiv, na omdhefola arta der oll aga threuspassow. I a vydh ow fobel, ha my a vydh aga Duw, yn-medh an Arloedh Duw.

Romanyon 12:1

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

1 Korinthianys 3:5

Ytho, pyth yw Apollos? Pyth yw Powl? Gwesyon dredha may kryssowgh par dell ros an Arloedh dhe gettep onan.

1 Korinthianys 4:1

Yndella y koedh dhe dus agan akontya avel gwesyon Krist ha rennysi kevrinyow Duw.

2 Korinthianys 11:23

Menystoryon Krist yns i? (My a gews kepar hag onan mes a'y rewl) onan gwell ov vy: my re lavuryas kalessa meur, my re beu prisonys moy menowgh, my re beu kastigys moy a-has, my re beu ogas dhe'n mernans lieskweyth.

2 Korinthianys 6:4

mes yn pub fordh ni a omgommend avel menystrys Duw, yn meur a wodhevyans, yn galar, yn kaletteryow, yn ahwer,

Dewteronomi 18:2

Ny'n jevydh eretons yn mysk y vreder; an Arloedh yw y eretons, kepar dell leveris dhodho.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

Diskwedhyans 1:6

ha'gan gul gwlaskor, oferysi dhe Dhuw y Das; dhodho ev re bo gordhyans ha galloes trank heb worfenn. Amen.

Diskwedhyans 20:6

Gwynnvys ha sans yw neb a'n jeves rann y'n kynsa dasserghyans: an nessa mernans ny'n jeves galloes vydh warnedha, mes i a vydh oferysi Duw ha Krist, hag a wra reynya mil vlydhen ganso.

Diskwedhyans 5:10

ha ty a's gwrug gwlaskor hag oferysi dh'agan Duw, hag i a wra reynya war an norvys.’