Ysay 61:3 - An Bibel Kernewek 20234 (Kernewek Kemmyn)

³ dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Ysay 61:3 ပူးပေါင်းရင်းမြစ်များ

Ester 8:15

Ena Mordekay eth yn-mes dhiworth golok an myghtern, yn gwisk ryel, glas ha gwynn y liw, ha dhodho kurun vras a owr ha goen a lien fin ha purpur: ha'n sita Shushan a arma hag a lowenhi.

Ester 9:22

avel an dydhyow may feu dhe'n Yedhewon powes dhiworth aga eskerens, ha'n mis hag a veu treylys ragdha dhiworth ahwer dhe heudhder, ha dhiworth kynvann dhe dhydh da: ma's gwrellens dydhyow a gevewya hag a heudhder, hag a dhannvon rohow a voes an eyl dh'y gila, hag a dhannvon rohow dhe'n voghosogyon.

Salmow 104:15

ha gwin a heudhha kolonn den, hag olew dhe wul dh'y fas dewynnya, ha bara a grevha kolonn den.

Salmow 149:4

Rag an Arloedh a gemmer plesour yn y bobel; ev a afin an re hwar gans selwyans.

Salmow 23:5

Ty a bareus moes a-dheragov yn golok ow eskerens; ty re untyas ow fenn gans oyl, ow hanaf yw gorlenwys.

Salmow 30:11

Ty re dreylyas ow hynvann dhe dhons; ty re dhiwiskas ow yskar ha'm grogysa gans lowender.

Salmow 30:12

Rakhenna ow enev a gan gormola ha ny dew. A Arloedh ow Duw, my a'th wormel bys vykken.

Salmow 45:7

Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

Ekklesiastes 9:8

Pup-prys bedhes gwynn dha dhillasow, ha gwayt na falla unyent y'th penn.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 26:2

Igerewgh an yetys rag mayth entro dredha an genedhel wiryon, a with lelder.

Ysay 44:23

Kenewgh, A nevow, rag an Arloedh re'n gwrug, germewgh, A dhownderyow an norvys; germewgh gans joy, A venydhyow, An goeswik ha pub gwydhenn eus ynno! Rag an Arloedh re dhasprenas Yakob, hag ev a vydh glorifiys yn Ysrael.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Yeremia 31:13

Ena an wyrghes a lowenha y'n dons, ha'n wer yowynk ha'n henavogyon a vydh lowen, my a's hebaskha, ha ri dhedha lowena yn le aga hynvann.

Ezekiel 34:29

My a brovi ragdha tyller gerys-da rag plansa, ha ny vydhons kemmerys arta gans divoetter y'n tir, na berthi arta despit a'n kenedhlow.

Ezekiel 47:7

Wosa my dhe dhehweles, otta, war lann an avon gwydh pals, pur lies, war dhiw lann an avon.

Zekaria 3:5

Ena my a leveris, ‘Gorrens tulyfant glan war y benn.’ Ytho i a worras tulyfant glan war y benn ha'y wiska, hag el an Arloedh esa ow sevel yn ogas.

Matthew 15:13

Ev a worthybis ow leverel, ‘Pub losowenn na wrug ow Thas a nev hy flansa a vydh diwreydhys.

Matthew 5:16

Yndella re derlentro agas golow a-rag tus may hwellons agas oberow da ha gordhya agas Tas eus y'n nevow.

Luk 15:22

Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.

Yowann 15:8

Yn hemma glorifiys yw ow Thas, hwi dhe dhoen meur a frut ha dhe vos dyskyblon dhymm.

Yowann 16:20

Yn hwir, yn hwir y lavarav dhywgh, hwi dhe oela ha dhe gyni, mes an bys a lowenha. Mes hwi a vydh trist, mes agas tristyns a dreyl dhe lowena.

1 Korinthianys 3:9

Rag ni yw kesoberoryon Duw; hwi yw park gonedhys Duw, drehevyans Duw.

1 Korinthianys 6:20

rag prenys a bris vewgh. Gordhyewgh Duw, ytho, yn agas korf.

Filippianys 1:11

lenwys a frut ewnder dre Yesu Krist dhe wordhyans ha gormola Duw.

2 Thessalonianys 1:10

pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.

Ebrowyon 1:9

Ty re garas ewnder ha kasa anlaghedh; yndella Duw, dha Dhuw, re'th untyas gans oyl lowender dres dha geskowetha.’

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

1 Peder 4:14

Mars owgh hwi despitys yn hanow Krist, gwynn agas bys rag an Spyrys a splannder hag a Dhuw a wra powes warnowgh.