Ysay 61:11 - An Bibel Kernewek 20234 (Kernewek Kemmyn)

¹¹ Ha kepar dell wra an dor dri yn-mes y eginyow, ha lowarth a wra dhe'n pyth yw hesys skylla, yndella an Arloedh Duw a wra dhe ewnder ha gormola skylla a-rag oll an kenedhlow.

Ysay 61:11 ပူးပေါင်းရင်းမြစ်များ

Jenesis 1:11

Hag yn-medh Duw, ‘Gwres an nor dri gwels yn-rag, losow ow toen has, ha gwydh ow toen frut war-lergh aga hinda, hag ynno has, war an dor.’ Hag y feu yndella.

Salmow 72:16

Re bo kals ys y'n tir ow tegrena war benn an menydhyow; re bo y frut avel Lebanon, ha re sewenno tus an sita avel gwels an dor.

Salmow 72:3

Re dhrollo an menydhyow kres dhe'n bobel, ha'n brennow dri ewnder.

Salmow 85:11

Gwirder a egin dhiworth an nor, hag ewnder a vir war-woeles dhiworth nev.

An Gan a Ganow 4:16

Difun, A wyns an gogledh, ha deus, A wyns an dyghow! hwyth war ow lowarth, dhe lesa y spisys. Des ow haradow dh'y lowarth, ha dybri y frut dentethyel.

Ysay 4:2

Y'n jydh na egin an Arloedh a vydh teg ha gloryus, ha frut an tir a vydh bryntin ha splann dhe'n re a dhienk yn Ysrael.

Ysay 45:23

My re dos ren ow honan, dhiworth ow ganow gallas yn ewnder ger na dhehwel: ‘Dhymmo vy y hwra plegya pub glin, pub taves a wra ti.’

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Ysay 45:8

Dinewewgh, A nevow, a-wartha, ha'n kommol, diverens ewnder; bedhes an dor igerys, ha deges selwyans avel frut, hag egines ewnder war-barth ganso. My, an Arloedh re'n kreatyas.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 48:18

Unnweyth a koslowes orth ow gorhemmynnow! Ena y fia dha sewena avel avon, ha'th ewnder avel tonnow an mor;

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 62:1

Rag Sion ny dawav vy, ha rag Yerusalem ny vydhav kosel bys pan a hy ewnder yn-mes avel golewder ha'y selwyans avel faglenn ow flammya.

Ysay 62:2

An kenedhlow a wel dha ewnder, hag oll myghternedh dha glori, Ty a vydh gelwys gans hanow nowydh a wra ganow an Arloedh y fastya.

Ysay 62:7

ha na rewgh powes dhodho bys pan fastyo ha settya Yerusalem avel gormola y'n norvys.

Matthew 13:23

Mes an dra hesys yn tir da, ev yw neb a glew an ger ha'y gonvedhes hag ev a dheg frut, re anedha ow ri kansplek, re tri-ugensplek ha re deg warn ugensplek.’

Matthew 13:3

Hag ev a dherivas dhedha lies tra dre barabolennow, ow leverel, ‘Yth eth yn-mes gonador dhe wonedh has.

Matthew 13:8

Mes rann arall a goedhas war dir da hag a dhug trevas, rann kansplek, rann tri-ugensplek ha rann deg warn ugens.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.