Ysay 61:10 - An Bibel Kernewek 20234 (Kernewek Kemmyn)

¹⁰ My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 61:10 ပူးပေါင်းရင်းမြစ်များ

Jenesis 24:53

Ena an servont a gemmeras yn-mes lestri arghans ha lestri owr ha dillas, ha'ga ri dhe Rebeka, ha rohow drudh a ros ev dh'y broder ha'y mamm.

2 Kroniklys 6:41

Lemmyn yn-bann, A Arloedh Duw, dhe'th powesva ty hag argh dha nerth. Bedhes dha oferysi, A Arloedh Duw, gwiskys gans selwyans, ha lowenhes dha syns y'th tader.

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

Job 29:14

My a omwiska yn gwirvreus hag ev a'm gwiska; ow gwirvreus o avel pows ha tulyfant.

Salmow 132:16

Hy oferysi a wiskav gans selwyans, ha'y syns a arm gans lowena.

Salmow 132:9

Bedhes dha oferysi gwiskys yn ewnder, ha gwres dha syns garma yn lowen.

Salmow 28:7

An Arloedh yw ow nerth ha'm skoes; ow holonn re drestyas ynno ev, ha gweresys ov vy, ytho ow holonn a lowenha yn feur, ha gans ow han my a'n gormel.

Salmow 35:9

Ha'm enev a vydh heudhik y'n Arloedh, ow lowenhe yn y selwyans.

An Gan a Ganow 1:10

Teg yw dha dhiwvogh gans kadonyow a degennow, dha gonna gans tergh a gregyn.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 25:1

A Arloedh, ty yw ow Duw; my a'th ughelha, my a wormel dha hanow, rag ty re wrug marthusyon, towlow a'n termyn koth, len ha sur.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 48:18

Unnweyth a koslowes orth ow gorhemmynnow! Ena y fia dha sewena avel avon, ha'th ewnder avel tonnow an mor;

Ysay 49:18

Drehav dha dhewlagas a-derdro ha gwel; i oll a omguntell, i a dheu dhis. Dell vewav, yn-medh an Arloedh, ty a wra aga gwiska oll avel tegenn, hag avel benyn bries ty a's kelm warnas.

Ysay 49:4

Mes my a leveris, ‘Yn euver re lavuris, ha spena ow nerth rag travyth ha rag gwakter; byttegyns yma ow gwirvreus gans an Arloedh, ha'm pewas gans ow Duw.’

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Ysay 58:14

ena ty a vydh lowen y'n Arloedh ha my a'th wra dhe varghogeth war dylleryow ughel an tir ha'th vaga gans eretons Yakob dha das, rag ganow an Arloedh re gewsis.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Ysay 65:18

Mes lowenhewgh ha bedhewgh heudhik bys vykken y'n pyth a wrav y greatya; rag awottavy ow kreatya Yerusalem dhe vos joy, ha'y fobel heudhder.

Yeremia 2:32

A yll maghteth ankevi hy thegennow, po benyn bries hy gwisk? Mes ow fobel re'm ankovas, dydhyow heb niver.

Ezekiel 42:14

Pan dheu an oferysi a-ji, nyns ons yn-mes dhiworth an tyller sans bys y'n klos a-ves, mes ena i a sett aga dillas may fenystrons ynna, rag sans yns; i a wisk dillas arall kyns mos dhe dyller an bobel.’

Habakkuk 3:18

hwath my a lowenha y'n Arloedh, ha my a vydh heudhik yn Duw ow selwyans.

Zekaria 10:7

Efraym a vydh avel kasor galloesek, ha'ga holonn a vydh heudh avel gans gwin. Aga fleghes a'n gwel hag a vydh heudh; aga holonn a vydh lowen y'n Arloedh.

Zekaria 3:5

Ena my a leveris, ‘Gorrens tulyfant glan war y benn.’ Ytho i a worras tulyfant glan war y benn ha'y wiska, hag el an Arloedh esa ow sevel yn ogas.

Luk 15:22

Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 14:17

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans;

Romanyon 3:22

ewnder Duw dre fydh yn Yesu Krist rag oll hag a grys. Rag nyns eus dibarth;

Romanyon 5:11

Yndella ha nahen, mes ni a vost yn Duw der agan Arloedh Yesu Krist, may kevsyn dredho lemmyn agan unnverheans.

Galatianys 3:27

rag myns ahanowgh a veu besydhys yn Krist a wiskas Krist.

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

Diskwedhyans 21:2

Ha my a welas an sita sans, Yerusalem nowydh, ow tiyskynna yn-mes a nev dhiworth Duw, parys kepar ha benyn bries afinys rag hy gour.

Diskwedhyans 21:9

Hag onan a'n seyth el neb a's tevo an seyth fiol lenwys a'n seyth pla diwettha a dheuth dhymm ha kewsel orthiv ow leverel, ‘Deus, ha my a vynn diskwedhes dhis an venyn bries, gwreg an Oen.’

Diskwedhyans 4:4

Hag a-dro dhe'n tron yth esa peswar tron warn ugens; ha war an tronys y hwelis peswar henavek warn ugens owth esedha, gwiskys yn dillas gwynn, ha war aga fenn kurun owrek.

1 Samuel 2:1

Ena Hanna a bysis ha leverel, ‘Ow holonn a lowenha y'n Arloedh; ow horn yw ughelhes y'n Arloedh. Ow ganow yw moghhes dres ow eskerens, drefenn my dhe lowenhe y'th selwyans.