Ysay 60:4 - An Bibel Kernewek 20234 (Kernewek Kemmyn)

⁴ Drehav dha dhewlagas a-derdro ha gwel: i oll a guntell ha dos dhis; dha vebyon a dheu a bellder, ha dha vyrghes war glun aga magoresow.

Ysay 60:4 ပူးပေါင်းရင်းမြစ်များ

Ysay 11:12

Ev a dhrehav baner rag an kenedhlow ha kuntell divresow Ysrael, ha dri war-barth an re skattrys a Yuda dhiworth peswar korn an norvys.

Ysay 14:2

Poblow a's kemmer ha'ga dri dh'aga thyller aga honan. Chi Ysrael a's erit yn tir an Arloedh avel kethyon ha kethesow. I a wra dhe'n re a's kemmeras yn kethneth bos aga hethyon i, hag i a rewl an re a's arwaskas.

Ysay 42:6

My yw an Arloedh, my re'th helwis yn ewnder, my a'th syns er an leuv, ha dha witha, my re'th ros yn kevambos dhe'n bobel, golow dhe'n kenedhlow,

Ysay 43:6

My a lever dhe'n gledhbarth, ‘Daskorr i!’ ha dhe'n dhyghowbarth, ‘Na wra aga lesta! Dro ow mebyon a'n pellder ha'm myrghes a benn an norvys,

Ysay 49:12

Otta, an re ma a dheu a bellder, hag otta, an re ma a'n gledhbarth, hag a'n howlsedhes, ha'n re ma a bow Sinim.

Ysay 49:17

An re a'th tastrehav a ober moy buan es an re a'th tistruis, an re a'th wastyas a gildenn a-dhiworthis.

Ysay 49:18

Drehav dha dhewlagas a-derdro ha gwel; i oll a omguntell, i a dheu dhis. Dell vewav, yn-medh an Arloedh, ty a wra aga gwiska oll avel tegenn, hag avel benyn bries ty a's kelm warnas.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Yeremia 30:10

Ytho na borth own, ow gwas Yakob, yn-medh an Arloedh, na na vydh digolonnek, A Ysrael; rag otta, my a'th selow a bellder, ha'th has a-dhiworth tir aga hethneth; ha Yakob a dhehwel ha powes ha bos kosel, ha ny wra nagonan gorra own ynno.

Amos 9:14

Ha my a dreyl kethneth ow fobel Ysrael, hag i a dhastrehav an sitys dhibobel ha triga ynna; i a blans gwinlannow hag eva aga gwin, hag i a wra lowarthyow ha dybri aga frut.

Mika 7:12

An jydh na y tons i dhis, a Assyria ha sitys Ejyp, hag a Ejyp dhe'n Avon, a vor dhe vor hag a venydh dhe venydh.

Haggay 2:7

Ha my a wra oll an kenedhlow dhe grena, ha tresoryow an kenedhlow oll a dheu, ha my a lenow an chi ma gans golewder, yn-medh Arloedh an luyow.

Matthew 8:11

Ha my a lever y teu meur a dus dhiworth an howldrevel ha'n howlsedhes hag esedha orth moes gans Abraham hag Ysak ha Yakob yn gwlaskor nev,

Yowann 4:35

A ny leverowgh, “Yma hwath peswar mis, hag ena y teu an drevas”? Otta, my a lever dhywgh, drehevewgh agas dewlagas yn-bann, ha mirewgh orth an gwelyow, i dhe vos gwynn lemmyn rag an drevas.

Oberow 13:44

An nessa sabot ogas oll an sita o kuntellys rag goslowes orth ger an Arloedh.