Ysay 60:22 - An Bibel Kernewek 20234 (Kernewek Kemmyn)

²² An distyr ahanas a vydh avel mil, ha'n byghan avel kenedhel grev. My yw an Arloedh; yn y dermyn, distowgh my a'n gwra.

Ysay 60:22 ပူးပေါင်းရင်းမြစ်များ

Ysay 10:22

Kyn fydh dha bobel Ysrael avel tewes an mor, unnsel remenant anedhi a dhehwel. Kollva yw erghys, ow fenna gans ewnder.

Ysay 5:19

neb a lever ‘Fistenes, bedhes y ober uskis, ma'n gwellyn. Neses, ha des kusul Sans Ysrael, ma's aswonnyn.’

Ysay 51:2

Mirewgh orth Abraham, agas tas, hag orth Sara a'gas dineythis; rag nyns o ev marnas onan pan y'n gelwis, mes my a'n bennigas ha'y wul lies.

Ysay 66:8

Piw re glewas a neppyth haval dhe'n taklow ma? Piw re welas neppyth haval dhedha? A yll gwlas bos dineythys yn unn jydh, po kenedhel bos genys yn unn lamm? Mes kettell dhallathas Sion lavurya hi a dhineythis hy mebyon.

Daniel 2:35

Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Luk 18:7

A ny wra Duw gwirvreus rag y dus dhewisys a gri warnodho dydh ha nos; a vydh ev lent ow kweres dhedha?

Oberow 2:41

Ytho, an re a wolkommas y er a veu besydhys, hag y'n jydh na y feu keworrys a-dro dhe dri mil a enevow;

Oberow 5:14

Ha moy a gryjygyon a veu keworrys dhe'n Arloedh, niverow bras hag a wer hag a venynes.

Ebrowyon 10:36

Rag hwi a'gas beus edhomm a berthyans, may hwryllowgh bodh Duw ha kavoes an pyth yw ambosys.

2 Peder 3:8

Mes na vedhes an unn dra ma kudhys dhiworthowgh, karadowyon: unn jydh gans an Arloedh yw kepar ha mil vlydhen, ha mil vlydhen kepar hag unn jydh.

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;