Ysay 60:21 - An Bibel Kernewek 20234 (Kernewek Kemmyn)

²¹ Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 60:21 ပူးပေါင်းရင်းမြစ်များ

2 Samuel 7:10

Ha lemmyn my a apoynt tyller rag ow fobel Ysrael, ha my a wra aga flansa, may hyllons bewa yn aga thyller aga honan, ha ny vydhons ankresys namoy; ha ny wra mebyon sherewneth aga flagya namoy, kepar ha kyns,

Salmow 37:11

Mes an re hwar a erit an tir, hag i a gemmer plesour yn kres leun.

Salmow 37:18

An Arloedh a aswonn dydhyow an re dhivlam, ha'ga ertach a dhur bys vykken.

Salmow 37:22

Rag an re bennigys ganso a erit an tir, ha'n re milligys ganso a vydh treghys dhe-ves.

Salmow 37:29

An re wiryon a erit an ti, ha triga ynno bys vykken.

Salmow 92:13

An re yw plynsys yn chi an Arloedh, a las yn klosyow agan Duw.

Ysay 19:25

Arloedh an luyow a's bennik, ow leverel, ‘Benniges re bo ow fobel Ejyp, hag ober ow diwla Assyria, hag Ysrael ow eretons.’

Ysay 24:16

Dhiworth finyow an nor ni a glew kanow, splannder dhe'n Gwiryon. Yn-medhav, Tanowhes ov, tanowhes, go-vy! Traytours a drayt, traytours a drayt yn pur dhevri.

Ysay 26:2

Igerewgh an yetys rag mayth entro dredha an genedhel wiryon, a with lelder.

Ysay 29:23

rag pan wel y fleghes, ober ow diwla, a-ji dhodho, i a sansha ow hanow, ha sanshe Sans Yakob, ha perthi own a Dhuw Ysrael.

Ysay 43:21

an bobel a formis ragov ow honan, rag may teriffens ow gormola.

Ysay 43:7

pub huni neb yw henwys orth ow hanow, neb re wrugavy rag ow glori, neb a formis vy ha kreatya.’

Ysay 44:23

Kenewgh, A nevow, rag an Arloedh re'n gwrug, germewgh, A dhownderyow an norvys; germewgh gans joy, A venydhyow, An goeswik ha pub gwydhenn eus ynno! Rag an Arloedh re dhasprenas Yakob, hag ev a vydh glorifiys yn Ysrael.

Ysay 45:11

Yndellma y lever an Arloedh, an Sans a Ysrael ha'y formyer: A wovynnowgh orthiv a-dro dhe'm fleghes, po ow erghi a-dro dhe ober ow diwla?

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Ysay 45:25

Y'n Arloedh y fydh ewnheans ha bostyans dhe oll an has a Ysrael.

Ysay 45:8

Dinewewgh, A nevow, a-wartha, ha'n kommol, diverens ewnder; bedhes an dor igerys, ha deges selwyans avel frut, hag egines ewnder war-barth ganso. My, an Arloedh re'n kreatyas.

Ysay 49:3

Hag y leveris dhymm, ‘Ow gwas yth os, Ysrael, may fydhav glorifiys ynno.’

Ysay 51:2

Mirewgh orth Abraham, agas tas, hag orth Sara a'gas dineythis; rag nyns o ev marnas onan pan y'n gelwis, mes my a'n bennigas ha'y wul lies.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Ysay 54:17

Ny wra seweni arv vyth yw furvys er dha bynn, ha ty a wra dampnya pub taves a sev orthis yn breus. Hemm yw ertach gwesyon an Arloedh, ha'ga ewnheans a dheu dhiworthiv, yn-medh an Arloedh.

Ysay 57:13

Pan griydh rag gweres, gwres dha guntellow a idolys dha sawya! An gwyns a's dheg i oll dhe-ves, hag anall a's hwyth dhe-ves. Mes neb a hwila skovva ynnov vy a bew an tir, hag erita ow menydh sans.

Ysay 61:11

Ha kepar dell wra an dor dri yn-mes y eginyow, ha lowarth a wra dhe'n pyth yw hesys skylla, yndella an Arloedh Duw a wra dhe ewnder ha gormola skylla a-rag oll an kenedhlow.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Ysay 61:7

Yn le agas meth hwi a gyv dewblek, hag yn le despit i a lowenha yn aga rann; rakhenna i a erit dewblek yn aga thir, hag y fydh dhedha joy heb diwedh.

Ysay 62:4

Ny vydhydh gelwys Forsakys na fella, na ny vydh dha dir gelwys Difeythys byth moy; rag ty a vydh gelwys Ynni ow Delit, ha'th tiredh Demmedhys; rag an Arloedh a'n jeves delit ynnos, ha'th tiredh a vydh demmedhys.

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Ysay 65:9

My a dhre has yn-mes a Yakob, hag yn-mes a Yuda nebonan dhe erita ow menydhyow, hag ow re dhewisys a's erit, ha'm servysi a drig ena.

Yeremia 24:6

Rag my a sett ow golok warnedha rag da, ha my a's dre arta dhe'n tir ma. My a's drehav, ha ny's tennav dhe'n dor; my a'ga flans, ha ny's diwreydhyav.

Yeremia 32:41

My a lowenha ow kul da dhedha, ha my a's plans y'n tir ma yn sur, gans oll ow holonn ha gans oll ow enev.

Ezekiel 11:17

Rakhenna lavar, Yndellma y lever an Arloedh Duw: My a'gas kuntell dhiworth an poblow, ha'gas kuntell dhiworth an gwlasow may fewgh skattrys ynna, ha my a re dhywgh pow Ysrael.

Ezekiel 34:29

My a brovi ragdha tyller gerys-da rag plansa, ha ny vydhons kemmerys arta gans divoetter y'n tir, na berthi arta despit a'n kenedhlow.

Ezekiel 37:25

I a drig y'n tir a res vy dhe'm gwas Yakob, mayth esa agas tasow trigys ynno. I ha'ga mebyon, ha mebyon aga mebyon a drig ynno bys vykken, ha Davydh ow gwas a vydh pennsevik dhedha bys vynitha.

Ezekiel 47:7

Wosa my dhe dhehweles, otta, war lann an avon gwydh pals, pur lies, war dhiw lann an avon.

Amos 9:15

My a wra aga flansa war aga thir, ha ny vydhons diwreydhys namoy dhiwar aga dor a res vy dhedha, yn-medh an Arloedh dha Dhuw.

Obadia 1:17

Mes war venydh Sion y fydh remenant a'n re a dhienk, hag y fydh tyller sans. Ha chi Yakob a dhaskemmer eretons an dus a gemmersa aga eretons i.

Sefania 3:13

Ny wra remenant Ysrael sherewneth, na leverel gowyow; na ny vydh taves fekyl kevys yn aga ganow; rag i a beur ha growedha, ha denvyth ny wra dhedha perthi own.

Matthew 15:13

Ev a worthybis ow leverel, ‘Pub losowenn na wrug ow Thas a nev hy flansa a vydh diwreydhys.

Matthew 5:5

‘Gwynn aga bys an re yw klor, rag i a erit an norvys.

Yowann 15:2

Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.

Efesianys 1:12

may fewen ni rag gormel y splannder, ni neb o an kynsa a'n jevo govenek yn Krist;

Efesianys 1:6

dhe wormel splannder y ras a wrontyas dhyn y'n Karadow;

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Efesianys 2:7

may tiskwettha y'n oesow ow tos, rychys dres eghenn y ras yn kuvder troha ni yn Krist Yesu.

2 Thessalonianys 1:10

pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.

2 Peder 3:13

Mes ni a wra gortos nev nowydh ha nor nowydh war-lergh y ambos, may trig ewnder ynna.

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.

Diskwedhyans 5:10

ha ty a's gwrug gwlaskor hag oferysi dh'agan Duw, hag i a wra reynya war an norvys.’