Ysay 60:2 - An Bibel Kernewek 20234 (Kernewek Kemmyn)

² Rag otta, tewlder a gudh an norvys, ha tewlder tew an poblow, mes an Arloedh a dhrehav warnas, ha'y glori a vydh gwelys warnas.

Ysay 60:2 ပူးပေါင်းရင်းမြစ်များ

1 Myghternedh 8:11

ma na ylli an oferysi sevel dhe venystra drefenn an gommolenn; rag golewder an Arloedh a lenwis chi an Arloedh.

Salmow 102:16

Pan dhrehav an Arloedh Sion, y hwelir ev yn y wolewder.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Ysay 2:5

Chi Yakob, dewgh, kerdhyn ni yn golow an Arloedh.

Ysay 4:5

Ena an Arloedh a wra kreatya war an tyller kowal a venydh Sion, ha war hy huntellvaow, kommol ha mog dydhweyth ha golow tan ow flammya nosweyth; rag dres oll an glori y fydh nenlenn.

Ysay 58:10

mar profydh dha enev rag an nownek, ha sostena enev an den truan, ena dha wolow a splann y'n tewlder, ha dha dewolgow a vydh avel an hanter-dydh.

Ysay 58:8

Ena dha wolow a dardh avel an bora, ha'th yaghheans a egin dihwans, ha'th ewnder a gerdh a-ragos; glori an Arloedh a vydh dha withyas dhelergh.

Ysay 62:1

Rag Sion ny dawav vy, ha rag Yerusalem ny vydhav kosel bys pan a hy ewnder yn-mes avel golewder ha'y selwyans avel faglenn ow flammya.

Ysay 66:11

may hyllowgh dena ha bos gwalghys orth hy bronn, ha bos konfortys; may hyllowgh lapya gans delit dhiworth tethennow hy glori.

Ysay 8:22

po ow mires orth an dor, otta anken ha tewlder, an tewolgow a ahwer; hag i a vydh herdhys yn tewlder tew.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Ezekiel 10:4

Ha glori Duw Ysrael a yskynnas a-dhiwar an cherub bys yn treudhow an chi, ha'n chi o lenwys a'n gommolenn, ha'n klos o leun a splannder glori an Arloedh.

Levitikus 9:23

Ha Moyses hag Aron eth a-berth yn tylda an kuntelles ha dos yn-mes ha benniga an bobel, ha glori an Arloedh a omdhiskwedhas dhe oll an bobel.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Niverow 16:19

Ena Koragh a guntellas oll an kuntelles er aga fynn dhe dharas tylda an kuntelles. Ha golewder an Arloedh a omdhiskwedhas dhe'n kuntelles oll.

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

Matthew 23:19

Tus dhall, pyneyl ytho yw an moyha, an offrynn po an alter a wra dhe'n offrynn bos sakrys?

Matthew 23:24

Kevarwoedhoryon dhall, usi ow kroedra gwibesenn ha lenki kowrvargh!

Yowann 1:1

Y'n dalleth yth esa an Ger, hag yth esa an Ger gans Duw, ha'n Ger o Duw.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 8:55

Hwi ny'n aswonnowgh, mes my a'n aswonn; ha mar lavarren, “Ny'n aswonnav”, my a via gowleveryas, avelowgh hwi. Mes my a'n aswonn, ha my a with y er.

Oberow 14:16

Y'n henedhow tremenys ev a asas an kenedhlow oll dhe vos yn aga fordhow aga honan;

Oberow 17:23

Rag, ha my ow tremena hag ow hwithra taklow agas gordhyans, my a gavas ynwedh alter mayth o skrifys “Dhe dhuw anwodhvos.” Ytho, an pyth a wordhyowgh yn tiskians, hemma my a iger dhywgh.

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

2 Korinthianys 3:18

Mes, heb kudhlenn war agan fas, hag ow kweles golewder an Arloedh kepar hag yn gweder-mires, yth eson ni oll ow pos chanjys bys y'n keth imaj, dhiworth golewder dhe wolewder kepar ha dhiworth an Arloedh, an Spyrys.

Kolossianys 1:13

Ev a wrug agan delivra yn-mes a alloes an tewlder ha'gan gorra yn gwlaskor y Vab karadow,

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.