Ysay 60:19 - An Bibel Kernewek 20234 (Kernewek Kemmyn)

¹⁹ Ny vydh an howl golow ragos byth moy dydhweyth, na ny vydh golow dhis splannder an loer; mes an Arloedh a vydh dhis golow bys vykken, ha dha Dhuw a vydh dha glori.

Ysay 60:19 ပူးပေါင်းရင်းမြစ်များ

Salmow 3:3

Mes ty, A Arloedh, yw skoes a-dro dhymm, ow glori, neb a dhrehav ow fenn.

Salmow 36:9

Rag genes jy yma fenten bewnans; y'th wolow jy y hwelyn ni golow.

Salmow 4:2

Hwi vebyon den, pygemmys prys y fydh ow golewder treylys dhe dhespit? Pygemmys prys y kerowgh euveredh, ow hwilas gow? Sela.

Salmow 62:7

Yn Duw yma ow selwyans ha'm gordhyans; ev yw karrek ow nerth, hag yn Duw yma ow skovva.

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Salmow 84:12

A Arloedh an luyow, gwynnvys an den a worr y fydhyans ynnos jy.

Ysay 2:5

Chi Yakob, dewgh, kerdhyn ni yn golow an Arloedh.

Ysay 24:23

An loer a's tevydh meth ha'n howl a vydh shamys; rag Arloedh an luyow a reyn yn menydh Sion hag yn Yerusalem, ha glorifiys vydh a-rag y henavogyon.

Ysay 28:5

Y'n jydh na Arloedh an luyow a vydh kurun a glori, garlont a dekter rag remenant y bobel,

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 45:25

Y'n Arloedh y fydh ewnheans ha bostyans dhe oll an has a Ysrael.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Ysay 60:1

Sav, splann; rag dha wolow re dheuth, ha glori an Arloedh re dhrehevis warnas.

Ysay 9:2

An bobel a gerdhi yn tewlder re welas golow meur; an re trigys yn tir skeus ankow – golow re splannas warnedha.

Zekaria 2:5

My a vydh fos tan a-dro, yn-medh an Arloedh, ha my a vydh golewder a-bervedh ynni.’

Zekaria 2:9

Sur my a wra drehevel ow leuv er aga fynn hag i a vydh preydh dh'aga servysi. Ena hwi a woer y hwrug Arloedh an luyow ow dannvon.

Luk 2:32

golow rag diskwedhyans dhe'n Jentilys, ha glori dhe'th pobel Ysrael.’

Dewteronomi 10:21

Ev yw dha wormel, hag ev yw dha Dhuw a wrug ragos an taklow bras hag euthyk ma a welas dha dhewlagas.

Diskwedhyans 21:23

Ha dhe'n sita nyns esa edhomm a'n howl nag a'n loer dhe splanna ynni, rag splannder Duw a's golowi, ha'n Oen yw hy lugarn.

Diskwedhyans 22:5

Ha ny vydh nos namoy; ha nyns eus edhomm a wolow lugarn po golow howl; drefenn an Arloedh Duw dhe wolowi warnedha: hag i a wra reynya trank heb worfenn.