Ysay 60:18 - An Bibel Kernewek 20234 (Kernewek Kemmyn)

¹⁸ Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ysay 60:18 ပူးပေါင်းရင်းမြစ်များ

2 Samuel 7:10

Ha lemmyn my a apoynt tyller rag ow fobel Ysrael, ha my a wra aga flansa, may hyllons bewa yn aga thyller aga honan, ha ny vydhons ankresys namoy; ha ny wra mebyon sherewneth aga flagya namoy, kepar ha kyns,

Salmow 147:14

Ev a wra kres y'th oryon; ev a'th lenow a waneth a'n gwella.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 2:4

Ev a vydh breusydh ynter an kenedhlow, ha mayner rag lies pobel. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya namoy.

Ysay 26:1

Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 26:2

Igerewgh an yetys rag mayth entro dredha an genedhel wiryon, a with lelder.

Ysay 51:19

An dhew dra ma re hwarva dhis; piw a geskodhev genes? Gwastya ha distrui, divoetter ha kledha; piw a'th konfort?

Ysay 54:14

Fondys vydhydh yn ewnder; pell vydhydh dhiworth arwask, rag ny wredh perthi own; ha dhiworth euth, rag ny wra ev dos nes dhis.

Ysay 56:5

my a re dhedha y'm chi hag y'm fosow men-kov ha hanow gwell ages mebyon ha myrghes; my a re dhodho hanow a dhur bys vykken na vydh dileys.

Ysay 60:11

Dha yetys a vydh igerys prest; dydh ha nos ny vydhons deges, may fo dres dhis rychys kenedhlow, ha'ga myghternedh hembrenkys yn keskerdh.

Ysay 60:17

Yn le brons my a dhre owr, hag yn le horn my a dhre arghans, brons yn le prenn, ha horn yn le meyn. My a sett kres avel dha sentri, hag ewnder avel dha rewloryon.

Ysay 61:11

Ha kepar dell wra an dor dri yn-mes y eginyow, ha lowarth a wra dhe'n pyth yw hesys skylla, yndella an Arloedh Duw a wra dhe ewnder ha gormola skylla a-rag oll an kenedhlow.

Ysay 62:10

Tremenewgh, tremenewgh der an yetys, pareusewgh fordh rag an bobel; drehevewgh, drehevewgh an fordh-veur, klerhewgh dhe-ves an meyn, drehevewgh baner rag an poblow.

Ysay 62:4

Ny vydhydh gelwys Forsakys na fella, na ny vydh dha dir gelwys Difeythys byth moy; rag ty a vydh gelwys Ynni ow Delit, ha'th tiredh Demmedhys; rag an Arloedh a'n jeves delit ynnos, ha'th tiredh a vydh demmedhys.

Ysay 62:7

ha na rewgh powes dhodho bys pan fastyo ha settya Yerusalem avel gormola y'n norvys.

Ezekiel 42:20

Ev a'n musuras war an peswar tenewen. Yth esa dhodho fos oll a-dro pymp kans kevelin hy hirder, ha pymp kans kevelin hy les, dhe wul diberth ynter an sans ha'n ansans.

Mika 4:3

Hag ev a vydh breusydh yntra meur a boblow, ha mayn yntra kenedhlow krev a-bell. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya na moy.

Sefania 3:19

Otta, y'n termyn na My a ober erbynn oll myns a'th arwask y'n termyn na: ha my a saw an deves klof, ha kuntell an deves skattrys; ha my a's sett rag gormel ha ger-da yn oll an broyow a'ga meth.

Zekaria 2:5

My a vydh fos tan a-dro, yn-medh an Arloedh, ha my a vydh golewder a-bervedh ynni.’

Zekaria 2:9

Sur my a wra drehevel ow leuv er aga fynn hag i a vydh preydh dh'aga servysi. Ena hwi a woer y hwrug Arloedh an luyow ow dannvon.

Zekaria 9:8

My a wra kampya ryb ow chi avel gwithyas, ma na dremenno denvyth na dehweles. Ny dremen mester kethneth arta dresta, rag lemmyn my re welas gans ow dewlagas.