Ysay 60:16 - An Bibel Kernewek 20234 (Kernewek Kemmyn)

¹⁶ Dena leth an kenedhlow ty a wra, ha dena bronn myghternedh. Ena ty a woer my, an Arloedh, dhe vos dha Selwyas, ha'th Tasprenyas, an Galloesek a Yakob.

Ysay 60:16 ပူးပေါင်းရင်းမြစ်များ

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Ysay 1:24

Rakhenna y lever an Arloedh, Arloedh an luyow, an Galloesek a Ysrael: Ogh, my a vydh konfortys drefenn ow envi, ha tyli dial war ow eskerens.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 19:20

Ev a vydh tokyn ha dustuni dhe Arloedh an luyow yn pow Ejyp. Pan grions dhe'n Arloedh drefenn an arwaskoryon, ev a dhannvon dhedha selwador, hag ev a's menten ha'ga delivra.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 29:24

An re a wander yn spyrys a dheu dhe gonvedhes, ha'n re a grodhvol a dhegemmer dyskans.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 43:11

My, my yw an Arloedh, hag a-der my nyns eus selwyas.

Ysay 45:15

Yn hwir ty yw Duw a omgudh, A Dhuw Ysrael, an Selwador.

Ysay 45:21

Dyllewgh ha profyewgh agas ken; omgusulyens i war-barth. Piw a dharleveris hemma nans yw pell? Piw a'n dhellos seuladhydh? A nyns o my, an Arloedh? Nyns eus Duw a-der my, Duw gwiryon ha Selwador, nyns eus nagonan a-der my.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 52:6

Rakhenna ow fobel a wra aswonn ow hanow; rakhenna y'n jydh na i a woer my dhe vos neb a gews; awottavy.

Ysay 59:20

Ev a dheu dhe Sion avel Dasprenyas, ha dhe'n re a dreyl dhiworth rebellyans yn Yakob, yn-medh an Arloedh.

Ysay 60:17

Yn le brons my a dhre owr, hag yn le horn my a dhre arghans, brons yn le prenn, ha horn yn le meyn. My a sett kres avel dha sentri, hag ewnder avel dha rewloryon.

Ysay 61:6

Hwi a vydh gelwys oferysi an Arloedh, ha hwi a vydh henwys menystrys agan Duw. Hwi a dheber rychys an kenedhlow, ha bostya yn aga glori.

Ysay 63:16

Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Ysay 63:8

Ev a leveris, ‘Sur ow fobel yns i, mebyon na wra falsuri’; ytho ev a dheuth ha bos Selwador dhedha

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Yeremia 15:21

Ha my a'th telirv yn-mes a leuv a'n re dhrog, ha my a'th taspren yn-mes a leuv turans.

Ezekiel 34:30

Ena i a woer my, an Arloedh aga Duw, dhe vos gansa, hag i, chi Ysrael, dhe vos ow fobel, yn-medh an Arloedh Duw.

Diskwedhyans 21:24

Ha'n kenedhlow a wra kerdhes yn hy golow, ha myghternedh an norvys a wra dri aga gordhyans ha'ga enor a-bervedh ynni hi.

Diskwedhyans 21:26

Hag i a wra dri gordhyans hag enor an kenedhlow ynni hi.