Ysay 60:14 - An Bibel Kernewek 20234 (Kernewek Kemmyn)

¹⁴ Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Ysay 60:14 ပူးပေါင်းရင်းမြစ်များ

Jenesis 27:29

Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

Jenesis 42:6

Lemmyn Yosep o governour war an pow. Ev o neb esa ow kwertha ys dhe oll pobel an pow; ha breder Yosep a dheuth hag omblegya dheragdho, aga fasow dhe'n leur.

Salmow 46:4

Yma avon, ha'y goverow a lowenha sita Duw, an tyller sans, trigva an Ughella.

Salmow 48:2

Teg hy ughelder, lowender oll an nor, yw menydh Sion, yn pella rannow an kledh, sita an myghtern meur.

Salmow 87:3

Taklow gloryus a vydh kewsys ahanas, ty sita Duw. Sela.

Lavarow Koth 14:19

An debeles a ombleg a-rag an re dha, ha'n debeles orth yetow an den gwiryon.

Ysay 1:26

My a wra restorya dha vreusysi kepar ha kyns, ha dha gonseloryon kepar hag y'n dalleth. Wosa hemma ty a vydh henwys sita an ewnder, an sita len.

Ysay 45:14

Yndellma y lever an Arloedh: Gwayn lavur Ejyp ha gwara Ethiopia, ha pobel Sabea, gwer meur aga ughelder, a dheu dhis, ha bos dhis; i a hol war dha lergh ow tos dhis yn kadonyow. I a ombleg dhe'n dor a-ragos, ha pysi dhis, ow leverel, ‘Yma Duw genes yn sur, ha nyns eus nahen, nyns eus duwow saw ev.’

Ysay 45:23

My re dos ren ow honan, dhiworth ow ganow gallas yn ewnder ger na dhehwel: ‘Dhymmo vy y hwra plegya pub glin, pub taves a wra ti.’

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 62:12

I a vydh gelwys, ‘An bobel sans, An re dasprenys gans an Arloedh’; ha ty a vydh gelwys Hwilys, Sita Nag yw Forsakys.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Ezekiel 36:15

Ny asav dhis klewes skorn an poblow namoy, na perthi keredh an kenedhlow namoy; ny wredh dhe'n genedhel trebuchya namoy, yn-medh an Arloedh Duw.

Ezekiel 39:7

My a wra dhe'm hanow sans bos aswonnys yn mysk ow fobel Ysrael; ha ny asav ow hanow sans dhe vos defolys na fella; ha'n kenedhlow a woer my dhe vos an Arloedh, an Sans yn Ysrael.

Yoel 3:8

Ha my a werth agas mebyon ha'gas myrghes yn diwleuv mebyon Yuda, hag i a wra agas gwertha dhe'n Sabeanys, dhe genedhel pell; rag yndellma an Arloedh re gewsis.

Sefania 3:19

Otta, y'n termyn na My a ober erbynn oll myns a'th arwask y'n termyn na: ha my a saw an deves klof, ha kuntell an deves skattrys; ha my a's sett rag gormel ha ger-da yn oll an broyow a'ga meth.

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

Diskwedhyans 14:1

Ha my a welas, hag otta, an Oen ow sevel war an menydh Sion, ha ganso kans peswar ha dew-ugens mil, gans y hanow ev ha hanow y Das skrifys war aga thal.

Diskwedhyans 3:12

Neb a fettho, my a'n gwra koloven yn tempel ow Duw, ha ny wra ev mos yn-mes anodho namoy, ha hanow ow Duw a skrifav warnodho, ha hanow sita ow Duw, Yerusalem nowydh, ow tiyskynna yn-mes a'n nev dhiworth ow Duw, ha'm hanow nowydh ynwedh.

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.