Ysay 60:12 - An Bibel Kernewek 20234 (Kernewek Kemmyn)

¹² Rag an genedhel ha'n ruvaneth na'th serv a verow; ha'n kenedhlow na a vydh distruys glan.

Ysay 60:12 ပူးပေါင်းရင်းမြစ်များ

Jenesis 27:29

Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

Salmow 108:13

Dre Dhuw y hwren ni oberi yn kolonnek; ev yth yw neb a drett agan eskerens yn-dann y dreys.

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Ysay 14:2

Poblow a's kemmer ha'ga dri dh'aga thyller aga honan. Chi Ysrael a's erit yn tir an Arloedh avel kethyon ha kethesow. I a wra dhe'n re a's kemmeras yn kethneth bos aga hethyon i, hag i a rewl an re a's arwaskas.

Ysay 41:11

Otta, oll an re a serr orthis a's tevydh meth hag a vydh konfondys; an re a striv orthis a vydh avel mann, ha mos dhe goll.

Ysay 54:15

Otta, mar kwra nebonan omsettyans, nyns yw dhiworthiv vy; keniver a omsett er dha bynn, koedha a wra a'th wovis.

Yeremia 12:17

Mes mar ny woslowons, my a's diwreydh yn-mes yn tien ha distrui an genedhel na, yn-medh an Arloedh.

Daniel 2:34

Ha ty ow mires, y feu treghys men yn-mes heb mayn a dhorn, hag a weskis an delow war y dhewdroes a horn hag a bri, ha'ga therri dhe demmyn.

Daniel 2:35

Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Daniel 7:18

mes syns an Ughella a dhegemmer an wlaskor, hag i a bew an wlaskor bys vykken ha bynnari.’

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Zekaria 9:10

My a dhistru an charett dhiworth Efraym ha'n margh dhiworth Yerusalem, Gwarak an gas a vydh distruys. Ev a gews kres dhe'n kenedhlow. Y rewl a wra drehedhes a vor dhe vor, ha dhiworth an avon bys pennow an norvys.

Matthew 21:44

Ha neb a goedh war an men ma a vydh terrys dhe demmyn, mes neb may koettho an men warnodho, ev a vydh skwattys dhe dhoust.’

Luk 19:27

Mes ow eskerens na, neb na vynnsons my dhe vos myghtern warnedha: gwrewgh aga dri omma ha'ga ladha a-dheragov.” ’