Ysay 60:11 - An Bibel Kernewek 20234 (Kernewek Kemmyn)

¹¹ Dha yetys a vydh igerys prest; dydh ha nos ny vydhons deges, may fo dres dhis rychys kenedhlow, ha'ga myghternedh hembrenkys yn keskerdh.

Ysay 60:11 ပူးပေါင်းရင်းမြစ်များ

Nehemia 13:19

Pan dhallathas tewlhe orth yetow Yerusalem kyns an sabot, yth erghis vy may fe deges an yetow ha ri gorhemmynnow ma na vens igerys bys wosa an sabot. Ha my a settyas re a'm servysi orth an yetow ma na fe beghyow dres a-ji yn dydh sabot.

Salmow 149:8

dhe gelmi aga myghternedh gans kadonyow, ha'ga fennsevigyon gans kargharow-horn;

Ysay 24:21

Y'n jydh na an Arloedh a gessydh lu an re ughel usi a-ugh, ha myghternedh an tir usi war an dor.

Ysay 26:2

Igerewgh an yetys rag mayth entro dredha an genedhel wiryon, a with lelder.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ysay 60:5

Ena ty a wel ha splanna; dha golonn a gren gans joy hag efani, rag palster an mor a vydh dres dhis, ha rychys an kenedhlow a dheu dhis.

Ysay 61:6

Hwi a vydh gelwys oferysi an Arloedh, ha hwi a vydh henwys menystrys agan Duw. Hwi a dheber rychys an kenedhlow, ha bostya yn aga glori.

Ysay 62:10

Tremenewgh, tremenewgh der an yetys, pareusewgh fordh rag an bobel; drehevewgh, drehevewgh an fordh-veur, klerhewgh dhe-ves an meyn, drehevewgh baner rag an poblow.