Ysay 6:9 - An Bibel Kernewek 20234 (Kernewek Kemmyn)

⁹ Hag yn-medh ev, ‘Ke, ha lavar dhe'n bobel ma, “Klewewgh devri, mes na gonvedhewgh; gwelewgh devri, mes na aswonnewgh.”

Ysay 6:9 ပူးပေါင်းရင်းမြစ်များ

Lavarow Koth 28:5

Ny gonvedh gwer dhrog gwirvreus, mes an dus a hwila an Arloedh a gonvedh pup-tra oll.

Ysay 28:13

Ger an Arloedh a vydh dhedha, ‘Rewl war rewl, rewl war rewl, linenn war linenn, linenn war linenn, banna omma, banna ena’, rag mayth ellons ha koedha war-dhelergh ha bos terrys, ha maglennys, ha kemmerys.

Ysay 29:10

An Arloedh re dhinewis warnowgh spyrys a hun down: Ev re dhegeas agas dhewlagas, hwi brofoesi; ha kudha agas pennow, hwi welesydhyon.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Ysay 29:14

rakhenna, awotta, my a wra marthusyon arta gans an bobel ma, marthus hag aneth. Furneth aga thus fur a vydh ow mos dhe goll, ha skians aga thus dhoeth a vydh kudhys.

Ysay 42:20

Ev a wel lies tra, mes ny wra vri anedha, igor yw y dhiwskovarn mes ny glew ev.

Ysay 43:8

Dro yn-rag an bobel yw dall, mes yma dewlagas dhedha, an re yw bodhar, mes yma diwskovarn dhedha.

Yeremia 5:21

Klewewgh hemma lemmyn, A bobel dhiboell, ha heb konvedhes; neb a's teves lagasow ha ny welons; neb a's teves skovornow, ha ny glewons.

Ezekiel 12:2

Mab den, yth esos trigys yn kres chi diwostydh. Yma dhedha dewlagas dhe weles mes ny welons, yma dhedha diwskovarn dhe glewes mes ny glewons, rag chi diwostydh yns i.

Hosea 1:9

Ena an Arloedh a leveris, ‘Hanw e Lo-ammi, a-ban nyns owgh hwi ow fobel, ha nyns ov vy agas Duw.’

Mark 4:12

“rag may firons dhe wir, mes heb gweles, ha may klewons dhe wir, mes heb konvedhes, rag own i dhe dreylya, ha may fo gevys dhedha.” ’

Luk 8:10

Hag ev a leveris, ‘Dhy'hwi yw grontys aswonn kevrinyow gwlaskor Duw, mes dhe'n re erell dre barabolennow, rag may firons heb gweles, ha rag may klewons heb konvedhes.

Yowann 12:40

‘Ev re dhallhas aga dewlagas, hag ev re galeshas aga holonn, rag na hwrellons gweles gans aga dewlagas, na konvedhes gans aga holonn, na bos treylys, may hwrylliv aga sawya.’

Romanyon 11:8

dell yw skrifys, ‘Duw a ros dhedha spyrys a dalsoghter, dewlagas heb gweles, ha diwskovarn heb klewes, bys y'n jydh hedhyw.’

Dewteronomi 29:4

Mes ny ros dhywgh an Arloedh kolonn dhe wodhvos, na dhewlagas dhe weles, na dhiwskovarn dhe glewes bys y'n jydh hedhyw.