Ysay 6:5 - An Bibel Kernewek 20234 (Kernewek Kemmyn)

⁵ Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Ysay 6:5 ပူးပေါင်းရင်းမြစ်များ

Jenesis 32:31

Ha'n howl a dhrehevis warnodho hag ev ow tremena Penuel; hag yth esa ow kloppya drefenn y glun.

Salmow 24:10

Piw yw an Myghtern a wolewder? Arloedh an luyow, ev yw an Myghtern a wolewder. Sela.

Eksodus 24:10

ha gweles Duw Ysrael, hag yth esa yn-dann y dreys kepar ha leur a saffir avel nev y honan yn klerder.

Eksodus 3:6

Hag y leveris, ‘My yw Duw dha das, Duw Abraham, Duw Ysak ha Duw Yakob.’ Ha Moyses a gudhas y fas, rag own a'n jeva a vires orth Duw.

Eksodus 33:20

Mes y leveris, ‘Ny welydh ow fas; rag ny'm gwel den ha bewa.’

Eksodus 4:10

Ha Moyses a leveris dhe'n Arloedh, ‘Ogh, ow Arloedh, nyns ov gour a eryow, na kyns es lemmyn, nag a-ban gewssys orth dha was, rag lent ov a anow ha lent a daves.’

Eksodus 6:12

Mes Moyses a leveris a-rag an Arloedh, ‘Otta, ny goelas mebyon Ysrael orthiv; fatell wra Faro goslowes orthiv ha my antrodreghys ow diwweus?’

Eksodus 6:30

Ha Moyses a leveris dhe'n Arloedh, ‘Otta, my yw antrodreghys ow diwweus; ytho fatell wra Faro koela orthiv?’

Ysay 24:16

Dhiworth finyow an nor ni a glew kanow, splannder dhe'n Gwiryon. Yn-medhav, Tanowhes ov, tanowhes, go-vy! Traytours a drayt, traytours a drayt yn pur dhevri.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Ysay 33:17

Dha dhewlagas a wel an myghtern yn y dekter i a wel tir owth ystynn pell.

Ysay 59:3

Rag agas diwleuv yw defolys gans goes, ha'gas bysies gans anewnder. Agas diwweus re gewsis gow, ha'gas taves re dhiskleryas sherewynsi.

Ysay 64:6

Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.

Yeremia 1:6

Ha my a leveris, ‘Ogh Arloedh DUW, otta, ny wonn kewsel, rag yowynk ov.’

Yeremia 51:57

My a wra medhwi hy fennsevigyon ha'y doethyon, ynwedh hy governours, hy soedhogyon ha'y breselyoryon; i a gosk yn kosk bys vykken heb difuna nevra, yn-medh an Myghtern, ha'y hanow Arloedh an luyow.

Ezekiel 12:2

Mab den, yth esos trigys yn kres chi diwostydh. Yma dhedha dewlagas dhe weles mes ny welons, yma dhedha diwskovarn dhe glewes mes ny glewons, rag chi diwostydh yns i.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Daniel 9:20

Ha my ow kewsel hag ow pysi, hag ow yes ow feghes ha peghes ow fobel Ysrael, hag ow profya ow aspysadow a-rag an Arloedh ow Duw, a-barth menydh sans ow Duw;

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Niverow 17:12

Ha mebyon Ysrael a leveris dhe Moyses, ‘Otta, ni a verow, diswrys on, diswrys on ni oll.

Breusysi 13:22

Ha Manoagh a leveris dh'y wreg, ‘Ni a verow yn surredi, rag ni re welas Duw.’

Breusysi 6:22

Ena Gideon a wodhya henna dhe vos el an Arloedh, ha Gideon a leveris, ‘Gweres vy, Arloedh Duw! Rag my re welas el an Arloedh fas orth fas.’