Ysay 6:4 - An Bibel Kernewek 20234 (Kernewek Kemmyn)

⁴ Ha peulyow an treudhow a grenas orth lev neb a elwi, ha'n chi a veu lenwys a vog.

Ysay 6:4 ပူးပေါင်းရင်းမြစ်များ

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

Salmow 18:8

Mog a yskynnas mes a'y dhewfrik, ha tan a'y anow, ow tevorya; kolennow a dardhas yn flammow a-dhiworto.

Eksodus 40:34

Ena an gommolenn a gudhas tylda an kuntelles, ha golewder an Arloedh a lenwis an tabernakel.

Ezekiel 1:24

My a glewas son aga eskelli, avel son dowrow pals, hag i ow mos, avel lev an Ollgalloesek, son tervans lu. Pan sevens, i a asa aga eskelli dhe goedha.

Ezekiel 10:5

Son eskelli an cherubim o klewys bys y'n klos a-ves, kepar ha lev Duw Ollgalloesek pan usi ow kewsel.

Ezekiel 41:16

an treudhowyow, an fenestri ynn ha'n tremenvaow a-dro dh'aga thri, a veu pannellow gans prenn oll a-dro. Dhiworth an leur yn-bann dhe'n fenestri, ha'n fenestri aga honan, o kudhys.

Ezekiel 44:4

Ena ev a'm dros a-rag an tempel dre yet an gogledh. My a viras, hag otta, glori an Arloedh ow lenwel tempel an Arloedh; ha my a goedhas war ow fas.

Amos 9:1

My a welas an Arloedh ow sevel ryb an alter, hag ev a leveris: Gwask pennow an pilars erna grenno an treudhow, ha'ga brewi war benn an bobel oll! An rann yw gesys a ladhav gans an kledha; denvyth ny fi dhe-ves, denvyth ny skap.

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.

Diskwedhyans 15:8

Ha'n tempel a veu lenwys a vog a'n golewder a Dhuw ha'y alloes, ha denvyth ny ylli mos a-bervedh y'n tempel bys pan veu kowlwrys seyth pla an seyth el.