Ysay 6:3 - An Bibel Kernewek 20234 (Kernewek Kemmyn)

³ An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Ysay 6:3 ပူးပေါင်းရင်းမြစ်များ

Ezra 3:11

I a ganas, ow korthybi an eyl dh'y gila, gans gormola ha grasyans dhe'n Arloedh, ‘Rag ev yw da, rag y dregeredh a dhur bys vykken war Ysrael.’ Hag oll an dus a armas gans garm vras, ow kormel an Arloedh, drefenn bos settys sel chi an Arloedh.

Salmow 57:11

Bydh ughelhes, A Dhuw, a-ugh an nevow; bedhes dha wolewder dres oll an nor.

Salmow 66:2

kenewgh gordhyans y hanow, gwrewgh dh'y wormola bos gloryus.

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Salmow 8:2

Yn-mes a anow fleghigyow ha'n re ow tena ty re fastyas nerth drefenn dha eskerens, rag may tiswrylli an eskar ha'n dialor.

Salmow 90:16

Bedhes dha wriansow apert dhe'th wesyon, ha'th splannder dh'aga fleghes.

Salmow 97:6

An nevow a dheriv y ewnder, hag oll an poblow re welas y wolewder.

Salmow 99:3

Gormelens i dha hanow meur hag euthyk; rag sans yw.

Salmow 99:9

Ughelhewgh an Arloedh agan Duw, ha gordhyewgh ev war y venydh sans; rag sans yw an Arloedh agan Duw.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Ysay 24:16

Dhiworth finyow an nor ni a glew kanow, splannder dhe'n Gwiryon. Yn-medhav, Tanowhes ov, tanowhes, go-vy! Traytours a drayt, traytours a drayt yn pur dhevri.

Ysay 40:5

Ha glori an Arloedh a vydh diskwedhys, ha pub kig a wra y weles war-barth, rag ganow an Arloedh re gewsis.’

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Ezekiel 43:2

hag otta, glori Duw Ysrael ow tos dhiworth an est; y lev o kepar ha son dowrow meur, ha'n nor a splannas gans y glori.

Ezekiel 44:4

Ena ev a'm dros a-rag an tempel dre yet an gogledh. My a viras, hag otta, glori an Arloedh ow lenwel tempel an Arloedh; ha my a goedhas war ow fas.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.

Zekaria 14:9

An Arloedh a vydh myghtern a-ugh oll an norvys. Y'n jydh na y fydh unn Arloedh, hag y hanow a vydh onan.

Niverow 14:21

mes yn hwir, dell vewav, ha dell vydh oll an nor lenwys gans golewder an Arloedh,

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,