Ysay 6:2 - An Bibel Kernewek 20234 (Kernewek Kemmyn)

² Yth esa serafyn ow sevel a-ughto, hwegh askell dhe bubonan anedha: gans diw ev a gudha y fas, ha gans diw ev a gudha y dreys, ha gans diw ev a nija.

Ysay 6:2 ပူးပေါင်းရင်းမြစ်များ

Jenesis 17:3

Hag Abram a goedhas war y fas ha Duw a gewsis ganso, ow leverel,

1 Myghternedh 19:13

Pan y'n klewas Elias, ev a vaylyas y fas yn y vantell ha mos ha sevel yn entrans an vogow. Ena y teuth lev dhodho a leveris, ‘Pandr'a wredh omma Elias?’

1 Myghternedh 22:19

Ena Mikaya a leveris, ‘Ytho klew ger an Arloedh: My a welas an Arloedh esedhys war y dron, gans oll an lu nevek a'ga sav rybdho dhe'n dyghow ha dhe'n kledh.

1 Myghternedh 6:24

Pymp kevelin o hys unn askell a'n cherub, ha pymp kevelin o hys askell arall an cherub; deg kevelin o a vleyn unn askell dhe vleyn hy ben.

1 Myghternedh 6:27

Ev a worras an cherubim a-ji dhe'n sentri pervedhel; eseli an cherubim o lesys may tochyas askell onan anedha an eyl fos, hag askell y gila a dochyas an fos arall; aga eskelli erell tu ha kres an chi a dochyas askell dhe askell.

1 Myghternedh 8:7

Rag an jerubim a lesas aga eskelli a-ugh tyller an argh, may hwrug an jerubim kudhans a-ugh an argh ha'y gwelynni.

Nehemia 9:6

‘Ty dha honan yw an Arloedh. Ty a wrug nev, an nev a nevow, gans oll aga lu, an nor ha pup-tra eus warnodho, an moryow ha pup-tra eus ynna, ha ty a re bewnans dhedha i oll ha'n lu a nev a'th wordh.

Job 1:6

Yth esa dydh pan dheuth mebyon Duw dhe sevel a-dherag an Arloedh, ha Satnas a dheuth yn aga mysk ynwedh.

Job 15:15

Otta, ny worr Duw fydhyans yn y syns, ha nyns yw an nevow glan yn y wolok;

Job 4:18

Hwath yn y servysi ny worr ev fydh mann, ha'y eledh ev a guhudh a follneth;

Salmow 103:20

Bennigewgh an Arloedh, hwi eledh ev, hwi alloesogyon a wra herwydh y er ev, seul a woslow orth y lev pan gews ev.

Salmow 104:4

Ev a wra y eledh spyrysyon, ha'y venystrys tan ow flammya.

Salmow 18:10

Hag ev a varghogas war jerub ha nija; ev a nijas uskis war eskelli an gwyns.

Salmow 89:7

Ownys yw Duw yn kuntelles an syns; pur euthyk a-ugh oll an re usi yn y gyrghynn.

Eksodus 25:20

An jerubim a wra lesa aga eskelli war-vann, ow korskeusi an dregeredhva gans aga eskelli, aga fas an eyl war-tu ha'y gila; war-tu ha'n dregeredhva y fydh fasow an jerubim.

Eksodus 3:6

Hag y leveris, ‘My yw Duw dha das, Duw Abraham, Duw Ysak ha Duw Yakob.’ Ha Moyses a gudhas y fas, rag own a'n jeva a vires orth Duw.

Eksodus 37:9

An jerubim a lesas aga eskelli war-vann, ow korskeusi an dregeredhva gans aga eskelli; ha'ga fasow an eyl war-tu ha'y gila; yth esa, fasow an jerubim war-tu ha'n dregeredhva.

Ysay 6:6

Ena onan a'n serafynyon a nijas bys dhymm, hag yn y dhorn regydhenn re gemmersa gans gevel a-dhiwar an alter.

Ezekiel 1:11

yndella y feu aga fasow. Aga eskelli a omlesa war-vann; dhe bubonan yth esa diw askell a dochya an eyl dh'y ben, ha diw askell a gudha aga horfow.

Ezekiel 1:24

My a glewas son aga eskelli, avel son dowrow pals, hag i ow mos, avel lev an Ollgalloesek, son tervans lu. Pan sevens, i a asa aga eskelli dhe goedha.

Ezekiel 1:4

My a viras, hag otta annawel ow tos dhiworth an gogledh, kommolenn vras, ha tan ow lughesi gans golow splann a-dro dhedhi, hag ow tos yn-mes anedhi neppyth kepar hag amber, dhiworth kres an tan.

Ezekiel 1:6

dhe bubonan peswar fas, ha dhe bubonan anedha peder askell.

Ezekiel 1:9

aga eskelli a dochya an eyl dh'y ben; ny dreylyens hag i ow mos, mes yth esa pubonan ow mos kompes war-rag.

Ezekiel 10:16

Pan e an cherubim, an rosow e rybdha, ha pan dhrehevi an cherubim aga eskelli dhe yskynna dhiworth an dor, ny dreylya an rosow ynwedh dhiworth aga thenewen.

Ezekiel 10:21

Pubonan a'n peswar a's tevo peswar fas ha peder askell, ha hevelep diwla den o yn-dann aga eskelli.

Daniel 7:10

Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.

Daniel 9:21

pan esen ow leverel ow fysadow, an gour Gabriel, neb re welsen kyns y'n welesigeth, a dheuth dhymm ow nija uskis orth prys offrynn an gorthugher.

Zekaria 3:4

An el a leveris dhe'n re esa ow sevel a-ragdho, ‘Kemmerewgh dhiworto an dillas plos.’ Ena ev a leveris dhe Yoshua, ‘Mir, my re dhug dhiworthis dha gammhynseth, ha my a wra dha wiska yn dillas teg.’

Luk 1:10

hag yth esa oll routh an bobel ow pysi a-ves yn offrynn ynkys.

Ebrowyon 1:7

Hag a-dro dhe'n eledh y lever, ‘Neb a wra y eledh spyrysyon, ha'y venysters flammow tan.’

Diskwedhyans 14:6

Ha my a welas ken el ow nija yn kres nev gans an aweyl heb hedhi dhe bregoth dhe neb a drig war an norvys, ha dhe bub kenedhel ha loeth ha taves ha pobel,

Diskwedhyans 4:8

Ha'n peswar kreatur bew, pubonan gans hwegh askell, yw leun a lagasow a-derdro hag a-ji, ha nyns eus powes dhedha dydh ha nos hag i ow leverel, ‘Sans, Sans, Sans, Arloedh Duw an Ollgalloesek, neb o, neb yw, ha neb a dheu.’

Diskwedhyans 7:11

Hag oll an eledh a sevis a-dro dhe'n tron, hag a-dro dhe'n henavogyon ha'n peswar kreatur bew, hag i a goedhas a-dherag an tron war aga fasow ha gordhya Duw,

Diskwedhyans 8:13

Ha my a welas ha klewes er ow nija yn kres an nev, ow leverel, ughel y lev, ‘Tru, tru, tru, dhe drigoryon an norvys dhiworth sonyow erell a hirgorn an tri el neb a vydh ow hwytha.’