Ysay 6:1 - An Bibel Kernewek 20234 (Kernewek Kemmyn)

¹ Y'n vlydhen may ferwis myghtern Uzzia, my a welas an Arloedh esedhys yn se, ughel ha drehevys, ha lostennow y bows a lenwis an tempel.

Ysay 6:1 ပူးပေါင်းရင်းမြစ်များ

1 Myghternedh 22:19

Ena Mikaya a leveris, ‘Ytho klew ger an Arloedh: My a welas an Arloedh esedhys war y dron, gans oll an lu nevek a'ga sav rybdho dhe'n dyghow ha dhe'n kledh.

2 Myghternedh 15:7

Azaria a goskas gans y dasow; hag i a'n ynkleudhyas gans y dasow yn sita Davydh; Yotham y vab a reynyas yn y le.

2 Kroniklys 18:18

Ena Mikaya a leveris, ‘Ytho klewewgh ger an Arloedh: My a welas an Arloedh esedhys war y dron gans oll lu nev a'ga sav a'n barth dhyghow dhodho hag a'n barth kledh dhodho.

Job 42:5

My re glewsa ahanas dre glewans an skovarn, mes lemmyn ow dewlagas re'th welas;

Salmow 108:5

Bydh ughelhes, A Dhuw, a-ugh an nevow, ha bedhes dha wolewder dres oll an norvys.

Salmow 113:5

Piw yw kepar ha'n Arloedh agan Duw, neb a'n jeves y drigva a-vann,

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Eksodus 24:9

Ena Moyses hag Aron, Nadab, hag Abihu, ha'n deg ha tri-ugens dhiworth henavogyon Ysrael a yskynnas,

Ysay 1:1

Gwelesigeth Ysay mab Amos a welas a-dro dhe Yuda ha Yerusalem yn dydhyow Uzzia, Yotham, Ahaz, ha Hezekia, myghternedh Yuda.

Ysay 12:4

Y'n jydh na hwi a lever: Gormelewgh an Arloedh, gelwewgh war y hanow; gwrewgh y wriansow godhvedhys yn mysk an poblow, deklaryewgh y hanow dhe vos ughelhes.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Ezekiel 1:1

Y'n trydhegves blydhen, y'n peswora mis, yn pympes dydh an mis, pan esen yn mysk an dhivresow ryb an avon Kebar, an nevow a veu igerys, ha my a welas gwelesigethow Duw.

Ezekiel 10:1

Ena my a viras, hag otta, y'n fyrmament esa a-ugh penn an cherubim yth esa neppyth avel men saffir, hag yth omdhiskwedhas a-ughta avel semlans hevelep tron.

Ezekiel 10:4

Ha glori Duw Ysrael a yskynnas a-dhiwar an cherub bys yn treudhow an chi, ha'n chi o lenwys a'n gommolenn, ha'n klos o leun a splannder glori an Arloedh.

Daniel 10:17

Fatell yll gwas ow arloedh kewsel gans ow arloedh omma? Nyns eus nerth vyth ynnov lemmyn, ha nyns eus anall gesys dhymm.’

Daniel 7:9

Ha my ow mires, yth esa tronys settys yn-bann, ha'n Koth a'n dydhyow a esedhas; kann avel an ergh o y wisk, ha'y wols avel gwlan glan; flammow tan o y dron ha dhodho rosow a dan ow tewi.

Niverow 12:8

Ganso my a gews ganow orth ganow, yn tiblans, a-der yn kowsow tewl; hag ev a wel furv an Arloedh. Prag ytho na vewgh ownek dhe gewsel erbynn ow gwas Moyses?’

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 12:41

Ysay a leveris hemma rag ev dhe weles y wolewder, hag ev a gewsis anodho ev.

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

Diskwedhyans 15:8

Ha'n tempel a veu lenwys a vog a'n golewder a Dhuw ha'y alloes, ha denvyth ny ylli mos a-bervedh y'n tempel bys pan veu kowlwrys seyth pla an seyth el.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

Diskwedhyans 4:10

an peswar henavek warn ugens a wra koedha dhe'n dor a-dherag neb yw esedhys war an tron, hag omblegya dhe neb a vew trank heb worfenn, ha tewlel aga hurunyow a-dherag an tron, ow leverel,

Diskwedhyans 4:2

Hag a-dhesempis, yth esen y'n spyrys, hag otta, tron esa gorrys y'n nev, hag onan owth esedha war an tron.

Diskwedhyans 4:3

Hag ev neb o esedhys war an tron a heveli kepar ha men yasper ha sardius, hag yth esa kammneves a-dro dhe'n tron kepar ha gwyrven,

Diskwedhyans 4:9

Ha pan wra an kreaturs bew ri gordhyans hag enor ha grasow dhe neb yw esedhys war an tron, neb a vew trank heb worfenn,

Diskwedhyans 5:1

Ha my a welas y'n dhorn dhyghow a neb o esedhys war an tron, rol-skrifa, skrifys warnedhi a-ji ha war an keyn, selys gans seyth sel.

Diskwedhyans 5:7

Hag ev a dheuth ha kemmeres an rol yn-mes a'n dhorn dhyghow a neb o esedhys war an tron.

Diskwedhyans 6:16

Hag i a leveris dhe'n menydhyow ha dhe'n karregi, ‘Koedhewgh warnan ha kudhewgh ni dhiworth an fas a neb yw esedhys war an tron, ha dhiworth sorr an Oen’,