Ysay 59:9 - An Bibel Kernewek 20234 (Kernewek Kemmyn)

⁹ Rakhenna ewnder yw pell dhiworthyn, hag ny wra ewnder drehedhes dhyn. Ni a worta golow, hag otta tewolgow! Ni a worta golewder, mes ni a gerdh y'n tewlder.

Ysay 59:9 ပူးပေါင်းရင်းမြစ်များ

Job 19:8

Ev re geas ow fordh ma na allav tremena, hag ev re settyas tewlder war ow hynsyow.

Job 30:26

Mes pan feu dhymm govenek a dader, drog a dheuth; pan waytis golow, tewlder a dheuth.

Salmow 82:5

Ny wodhons ha ny gonvedhons, mes i a gerdh yn-rag yn tewolgow; oll selyow an nor a gren.

Lavarow Koth 4:19

Fordh an debeles yw haval dhe dewlder down; ny wodhons an pyth may trebuchons warnodho.

Ysay 5:30

Y'n jydh na ev a romm warnodho avel grommya an mor. Mar mirir orth an tir, awotta tewlder hag ankres; golow a vydh tewlhes gans an kommol.

Ysay 59:11

Ni oll a romm avel orses, ha kyni avel kelemmi. Ni a worta gwirvreus mes nyns eus; ni a worta selwyans mes pell yw ahanan.

Ysay 59:14

Gwirvreus yw treylys war-dhelergh, hag ewnder a sev a-bell; rag gwirder re drebuchyas y'n stret, ha ny yll ewnhynseth entra.

Ysay 59:8

Ny aswonnons an fordh a gres, ha nyns eus ewnder yn aga olow. I re wrug aga hynsyow kamm; neb a gerdh ynna ny aswonn kres.

Ysay 8:21

Ev a dremen der an tir, duwenik ha nownek; ha rag bos dhedha nown, i a vydh serrys, hag ow mires war-vann i a volleth aga myghtern ha'ga Duw;

Ysay 8:22

po ow mires orth an dor, otta anken ha tewlder, an tewolgow a ahwer; hag i a vydh herdhys yn tewlder tew.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yeremia 14:19

A wruss'ta denagha Yuda yn tien? A wrug dha enev kasa Sion? Prag y hwruss'ta agan gweskel ma na vydh yaghheans dhyn? Ni a hwilas kres mes nyns eus dader: rag termyn yeghes, hag otta browagh.

Yeremia 8:15

Agan govenek a veu kres, mes nyns esa dader; termyn yeghes, hag otta browagh.

Kynvannow 3:2

Ev re'm hembronkas ha gul dhymm mos yn tewlder a-der golow;

Kynvannow 4:14

I a wandras dall y'n stretys, mostys vons gans goes bys ma na allas denvyth tochya aga dillas.

Amos 8:9

Hag y hwyrvydh y'n jydh na, yn-medh an Arloedh Duw, my a wra an howl dhe sedhi y'n hanter-dydh, ha tewlhe an dor yn lagas an howl.

Mika 1:12

Rag annedhyades Maroth a worta dader yn prederus, drefenn droktra re dheuth war-nans a'n Arloedh bys yn yet Yerusalem.

Habakkuk 1:13

Re bur yw dha dhewlagas rag gweles droktra, ha ny yllydh perthi drogober. Prag y firydh ytho orth an falswesyon, ha synsi dha daves pan dhevor an tebelwas an den yw moy gwiryon agesso?

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.