Ysay 59:8 - An Bibel Kernewek 20234 (Kernewek Kemmyn)

⁸ Ny aswonnons an fordh a gres, ha nyns eus ewnder yn aga olow. I re wrug aga hynsyow kamm; neb a gerdh ynna ny aswonn kres.

Ysay 59:8 ပူးပေါင်းရင်းမြစ်များ

Salmow 125:5

An re a dreyl a-denewen dh'aga fordhow kamm an Arloedh a's hembronk dhe-ves gans an dhrogoberoryon. Re bo kres war Ysrael.

Lavarow Koth 2:13

an dus a forsak an hynsyow a ewnder rag kerdhes y'n hynsyow a dewlder,

Lavarow Koth 2:15

tus yw kamm aga hynsyow ha gwius aga fordhow.

Lavarow Koth 21:8

Fordh an gour kablus yw kamm, mes ober an den pur yw ewn.

Lavarow Koth 28:18

Neb a gerdh yn tivlam a vydh saw, mes neb a hol fordhow kamm a goedh yn pytt.

Lavarow Koth 3:17

Hy fordhow yw fordhow a hwekter, hag oll hy hynsyow yw kres.

Ysay 48:22

‘Nyns eus kres’, yn-medh an Arloedh, ‘rag an debeles.’

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Ysay 59:11

Ni oll a romm avel orses, ha kyni avel kelemmi. Ni a worta gwirvreus mes nyns eus; ni a worta selwyans mes pell yw ahanan.

Ysay 59:9

Rakhenna ewnder yw pell dhiworthyn, hag ny wra ewnder drehedhes dhyn. Ni a worta golow, hag otta tewolgow! Ni a worta golewder, mes ni a gerdh y'n tewlder.

Ysay 65:2

My re lesas ow diwla oll an jydh dhe bobel benn-kales usi ow kerdhes y'n fordh nag yw da, ow siwya aga thybyansow aga honan;

Yeremia 5:1

Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Matthew 23:23

‘Go-hwi, skribys ha Fariseow, falswesyon, rag hwi a wra degevi menta ha fenogel ha kumin ha gasa dhe goll taklow poessa an lagha, ewnder ha tregeredh ha lenduri; an re ma y koedhsa dhywgh aga gul heb dispresya an re na.

Luk 1:79

dhe ri golow dhe'n re esedhys yn tewlder hag yn skeus ankow, ha dhe hembronk agan treys yn fordhow kres.’

Romanyon 3:17

ha'n hyns a gres ny aswonnsons.