Ysay 59:4 - An Bibel Kernewek 20234 (Kernewek Kemmyn)

⁴ Denvyth ny elow rag ewnder; denvyth ny bled y gen gans onester. I a drest yn gwakter ha kewsel euveredh; i a gonsev anken ha dineythi droktra.

Ysay 59:4 ပူးပေါင်းရင်းမြစ်များ

Job 15:31

Na drestyes ev yn euveredh, owth omdoella, rag gwakter a vydh y wober.

Job 15:35

I a gonsev dregynn, ha dineythi droktra, ha'ga thorr a dharbar toell.’

Salmow 12:3

An Arloedh a dregh oll gweusyow fekyl, an taves hag a lever bostow bras,

Salmow 62:10

Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.

Salmow 62:4

I a omgusul unnweyth fatell yllons y dewlel dhe'n dor dhiworth y ughelder; i a gemmer plesour yn gowyow; i a vennik gans aga ganow, mes i a volleth yn aga holonn. Sela.

Salmow 7:15

Ev re balas pytt ha'y gleudhya, hag ev re goedhas y'n kleudh a wrug.

Lavarow Koth 4:16

Rag ny yllons koska marnas i a wra drogober; aga hosk yw kemmerys dhe-ves marnas i a wra dhe nebonan trebuchya.

Ysay 10:1

Go-i neb a wra ordenansow kammhynsek, ha'n skriforyon neb a skrif laghys anewn,

Ysay 26:18

Ni a gonsevyas, ni a wynnis yn poen, mes ny dhineythsyn marnas gwyns. Ny waynsyn budhogolethow y'n tir, na fetha annedhysi an nor.

Ysay 28:15

Rag hwi dhe leverel, ‘Ni re wrug kevambos gans ankow, ha gans ifarn ni re wrug akord; pan dremen an skorja avel liv ow fenna, ny dheu dhyn ni; rag ni re wrug gow agan skovva, ha ni re omgudhas yn falsuri’ –

Ysay 29:20

Rag ny vydh an turant na fella, ha'n den a wra ges a dheu dhe dhiwedh, hag oll an re yw hewoel dhe wul meschyv a vydh treghys dhe-ves;

Ysay 30:12

Rakhenna yndellma y lever Sans Ysrael: Drefenn hwi dhe dhenagha an ger ma, ha trestya yn arwask ha toell, ha kregi warnedha;

Ysay 30:9

Rag homm yw pobel dhiwostydh, mebyon wowek, mebyon na vynn klewes lagha an Arloedh;

Ysay 33:11

Hwi a gonsev us, hwi a dhineyth kulyn; agas anall yw tan a wra agas devorya.

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Ysay 47:10

Ty a omglewo saw y'th troktra; ty a leveris, ‘Ny'm gwel denvyth.’ Dha skians ha'th aswonnvos a'th toellas, ha ty a leveris y'th kolonn, ‘My! Nyns eus ken onan a-der my.’

Ysay 5:18

Go-i neb a denn anewnder dre lovonow euveredh, ha peghes avel dre lovonow kert,

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Ysay 59:15

Gwirder a fyll, ha neb a dreyl dhiworth drog yw kemmerys avel preydh. An Arloedh a welas hag a veu displesys drefenn na veu gwirvreus.

Ysay 59:16

Ev a welas na veu denvyth, hag ev a'n jevo marth na veu denvyth dhe vos mayn; rakhenna y vregh a wrug selwyans ragdho, ha'y ewnder a'n sostenas.

Ysay 59:3

Rag agas diwleuv yw defolys gans goes, ha'gas bysies gans anewnder. Agas diwweus re gewsis gow, ha'gas taves re dhiskleryas sherewynsi.

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Ysay 9:15

An henavek ha'n den ughel, ev yw an penn, ha'n profoes ow tyski gow, ev yw an lost.

Yeremia 48:7

Rag drefenn ty dhe fydhya yn dha dhinasow hag y'th tresoryow, ty ynwedh a vydh kemmerys; Kemosh a yn divroedh, war-barth gans y oferysi ha'y bennsevigyon.

Yeremia 5:1

Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Yeremia 7:4

Na fydhyewgh yn geryow gow, ow leverel, ‘Hemm yw tempel an Arloedh, tempel an Arloedh, tempel an Arloedh.’

Yeremia 7:8

Otta, hwi a fydh yn geryow gow, nag yns dhe les.

Hosea 4:1

Klewewgh ger an Arloedh, mebyon Ysrael, rag yma dhe'n Arloedh ken erbynn trigoryon an tir. Nyns eus gwiryonedh, na tregeredh, nag aswonnvos Duw y'n tir.

Mika 2:1

Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.

Oberow 24:9

Ha'n Yedhewon ynwedh a gemmeras rann y'n kuhudhans, ow testa bos an taklow ma gwir.

Jamys 1:15

Ena tebel-ewl, wosa omdhoen, a dhineyth peghadow, ha peghadow kowlwrys a dhineyth ankow.