Ysay 59:3 - An Bibel Kernewek 20234 (Kernewek Kemmyn)

³ Rag agas diwleuv yw defolys gans goes, ha'gas bysies gans anewnder. Agas diwweus re gewsis gow, ha'gas taves re dhiskleryas sherewynsi.

Ysay 59:3 ပူးပေါင်းရင်းမြစ်များ

Lavarow Koth 6:17

lagasow goethus, taves gowek, diwla hag a skoell goes gwiryon,

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Ysay 1:21

Assa wrug an sita len dos ha bos hora! Hi neb a veu leun a wirvreus, ewnder a ostya ynni, mes lemmyn denledhysi.

Ysay 28:15

Rag hwi dhe leverel, ‘Ni re wrug kevambos gans ankow, ha gans ifarn ni re wrug akord; pan dremen an skorja avel liv ow fenna, ny dheu dhyn ni; rag ni re wrug gow agan skovva, ha ni re omgudhas yn falsuri’ –

Ysay 3:8

Rag Yerusalem re drebuchyas ha Yuda re goedhas, drefenn bos aga thaves ha'ga gwriansow erbynn an Arloedh, ow rebellya erbynn golok y wolewder.

Ysay 30:9

Rag homm yw pobel dhiwostydh, mebyon wowek, mebyon na vynn klewes lagha an Arloedh;

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Ysay 59:13

rebellyans ha toell erbynn an Arloedh, treylya war-dhelergh dhiworth siwya agan Duw, kewsel arwask ha rebellyans, konsevya ha kewsel y'n golonn geryow gow.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Ysay 9:15

An henavek ha'n den ughel, ev yw an penn, ha'n profoes ow tyski gow, ev yw an lost.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 2:34

Ynwedh y'th lostennow y fydh kevys goes-bewnans an voghosogyon ankablus: ny's kevsys ow terri yn chiow. Mes yn spit dhe henna oll

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Yeremia 7:8

Otta, hwi a fydh yn geryow gow, nag yns dhe les.

Yeremia 9:2

A pe dhymm harber an dremenysi y'n gwylvos may tiberthiv a'm pobel, ha mos anedha! Rag avoutroryon yns i oll, kuntelles a draytours.

Yeremia 9:7

Yndella ytho y lever Arloedh an luyow: Otta, my a's purha ha'ga frevi; rag fatell allav gul ken drefenn myrgh ow fobel?

Ezekiel 13:8

Rakhenna yndellma y lever an Arloedh Duw: Drefenn hwi dhe gewsel euveredh ha gweles gwelesigethow gowek, ottavy er agas pynn, yn-medh an Arloedh Duw.

Ezekiel 22:2

Ty, A vab den, a vreusydh? A vreusydh an sita woesek? Gwra godhvedhys dhedhi oll hy thaklow kasadow.

Ezekiel 35:6

rakhenna, dell vewav, yn-medh an Arloedh Duw, my a'th taskorr dhe woes, ha goes a'th helgh; drefenn na wrussys kasa goes, goes a'th helgh.

Ezekiel 7:23

Gwra an kadon, rag an tir yw leun a skoellya goes, ha'n sita yw leun a freudh.

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Hosea 4:2

Mollethi, toella, ladha, ladra, hag avoutri – fenna a wrons; ha krow a hol krow.

Hosea 7:13

Go-i, rag i re fias ahanav vy! Terroes dhedha, rag i re rebellyas er ow fynn! My a's dasprenas hag i a wowleveris er ow fynn.

Hosea 7:3

I a heudhha an myghtern der aga droktra, ha pennternedh der aga gowyow.

Mika 3:4

Ena, i a gri dhe'n Arloedh mes ny wra ev gorthybi dhedha; ev a gudh y fas a-dhiworta an prys na, drefenn i dhe wul aga drog weythresow.

Mika 6:12

Tus rych an sita yw leun a freudh; hag yma hy thrigoryon ow kowleverel, ha'ga thaves yw fekyl yn aga ganow.

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Matthew 27:4

ow leverel, ‘My re beghas a-ban draytis goes gwiryon.’ Yn-medhons i, ‘Pandr'yw henna dhyn ni? Ty dha honan preder anodho.’

1 Timothi 4:2

yn falsuri gowleverysi, leskys aga howses gans horn.