Ysay 59:18 - An Bibel Kernewek 20234 (Kernewek Kemmyn)

¹⁸ Herwydh aga gwriansow, yndella ev a attal; sorr dh'y erbynnoryon, attal dh'y eskerens; ev a re attal dhe'n ynysow.

Ysay 59:18 ပူးပေါင်းရင်းမြစ်များ

Job 34:11

Ev a attal dhe dhen an pyth re wrug, hag a surha gour dhe gavoes an pyth re dhendilas.

Salmow 62:12

Ha dhiso jy, A Arloedh, yma tregeredh; rag ty a attal dhe bub huni herwydh y oberow.

Ysay 1:24

Rakhenna y lever an Arloedh, Arloedh an luyow, an Galloesek a Ysrael: Ogh, my a vydh konfortys drefenn ow envi, ha tyli dial war ow eskerens.

Ysay 35:4

Leverewgh dhe'n re gans kolonn brederus, ‘Bedhewgh krev, na berthewgh own; otta, agas Duw a dheu gans dial, gans attal duwel. Ev a dheu ha'gas sawya.’

Ysay 40:10

Otta, an Arloedh Duw a dheu gans nerth ha'y vregh a rewl ragdho; otta, yma y wober ganso, ha'y werison a-ragdho.

Ysay 49:4

Mes my a leveris, ‘Yn euver re lavuris, ha spena ow nerth rag travyth ha rag gwakter; byttegyns yma ow gwirvreus gans an Arloedh, ha'm pewas gans ow Duw.’

Ysay 63:3

‘My re drettyas an winwask ow honan; dhiworth an kenedhlow nyns esa denvyth genev. My a's trettyas y'm sorr ha'ga stankya y'm konnar; aga sugen a lagennas war ow gwiskas, ha namma oll ow dillas.

Ysay 63:6

My a drettyas poblow y'm sorr, ha'ga medhwi y'm konnar, ha dinewi aga sugen war an dor.’

Ysay 65:6

Ottava skrifys a-ragov: Ny dawav, mes devri my a attal; my a attal yn aga askra

Ysay 65:7

aga hammweythresow ha kammweythresow aga thasow war-barth, yn-medh an Arloedh. Rag i dhe leski offrynnow war an menydhyow, ha'm skornya war an bronnow, my a wra musura yn aga barrlenn an attal a'ga gweythresow kyns.

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Ysay 66:6

Son tervans dhiworth an sita, son dhiworth an tempel! Son an Arloedh owth attyli gober dh'y eskerens!

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yeremia 32:19

meur yn kusul ha nerthek yn gweythres; rag dha lagasow yw igor dhe oll an fordhow a vab-den, dhe ri dhe beub war-lergh y fordhow, ha war-lergh frut y weythresow.

Yeremia 50:15

Germewgh orti a bub tenewen, ‘Hi re omros; hy thouryow yw koedhys, hy fosow yw tewlys dhe'n dor.’ Rag hemm yw dial an Arloedh: diellewgh warnedhi, gwrewgh dhedhi an pyth a wrug hi.

Yeremia 50:29

Gelwewgh sethoryon erbynn Babylon, oll an re a bleg an warak. Kampyewgh oll a-dro dhedhi; na esewgh denvyth dhe dhiank. Attelewgh dhedhi war-lergh hy gweythresow; kepar dell wrug hi, gwrewgh dhedhi – rag hi re eryas an Arloedh yn falgh, an Sans a Ysrael.

Kynvannow 4:11

An Arloedh re gowlwrug y sorr, ha dyllo y sorr fers, hag enowi tan yn Sion a dhevoryas hy selyow.

Ezekiel 23:49

I a attal kessydhyans agas avlander warnowgh, ha hwi a berth an kessydhyans rag peghosow agas idolys. Ena hwi a woer my dhe vos an Arloedh Duw.

Ezekiel 38:18

Y'n jydh na, pan dheu Gog erbynn pow Ysrael, yn-medh an Arloedh Duw, ow sorr a dhifun.

Ezekiel 5:13

Ena ow sorr a vydh kowlwrys, ha'm konnar er aga fynn a wrav dhe bowes, ha my a vydh diellys; hag i a woer my, an Arloedh, dhe gewsel y'm avi, pan wrav vy kowlwul ow honnar er aga fynn.

Ezekiel 6:12

Neb yw a-bell a verow der an plag, ha neb yw ogas a goedh der an kledha, ha neb yw gesys po gwithys a verow dre dhivoetter. Yndella my a gowlwra ow honnar warnedha.

Yoel 3:4

Pandra esowgh hwi dhymm, A Tyr ha Sidon, hag oll ranndiryow Filistia? Esowgh hwi owth attyli dhymm? Mars esowgh hwi owth attyli dhymm, yn skav ha toeth men my a dreyl agas pemont arta war agas pennow agas honan.

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Nahum 1:2

An Arloedh yw Duw neb a berth avi, hag a gemmer dial; dialor yw an Arloedh ha meur y sorr; an Arloedh a gemmer dial war y eskerens, hag ev a with y sorr erbynn y envi.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Luk 19:27

Mes ow eskerens na, neb na vynnsons my dhe vos myghtern warnedha: gwrewgh aga dri omma ha'ga ladha a-dheragov.” ’

Luk 21:22

rag hemm yw dydhyow a gessydhyans, pan vydh kowlwrys pup-tra a veu skrifys.

Romanyon 2:6

Rag yth attal dhe bub den herwydh y oberow:

Dewteronomi 32:41

pan lymmav lughes ow kledha, ha'm leuv a sett dalghenn ynno yn breus, my a dal dial war ow eskerens, hag attyli an re a'm kas.

Dewteronomi 7:10

mes owth attyli dh'aga fas an re usi orth y gasa, dh'aga distrui. Ny dhelat rag neb a wra y gasa; ev a wra y attyli dh'y fas.

Diskwedhyans 16:19

Ha'n sita vras a veu rynnys yn teyr rann, ha'n sitys a'n kenedhlow a goedhas: ha Babylon vras a veu kovhes a-dherag Duw, dhe ri dhedhi hanaf an gwin a gonnar y sorr.

Diskwedhyans 19:15

Ha kledha lymm a yn-mes a'y anow, may hwasko an kenedhlow ganso, hag ev a wra aga rewlya gans gwelenn horn, hag ev a drett gwinwask konnar sorr Duw Ollgalloesek.