Ysay 59:14 - An Bibel Kernewek 20234 (Kernewek Kemmyn)

¹⁴ Gwirvreus yw treylys war-dhelergh, hag ewnder a sev a-bell; rag gwirder re drebuchyas y'n stret, ha ny yll ewnhynseth entra.

Ysay 59:14 ပူးပေါင်းရင်းမြစ်များ

Habakkuk 1:4

Rakhenna dinerth yw an lagha, ha ny a gwirvreus nevra yn-rag. Rag an tebelwas a omsett a-dro dhe'n den gwiryon; ytho kammvreus a yn-rag.

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Ysay 5:23

neb a dhelirv an kablus dhe wari rag falswober, ha kemmeres ewnder dhe-ves dhiworth an dus wiryon.

Ysay 1:21

Assa wrug an sita len dos ha bos hora! Hi neb a veu leun a wirvreus, ewnder a ostya ynni, mes lemmyn denledhysi.

Ekklesiastes 3:16

My a welas neppyth ken yn-dann an howl. Yn le gwirvreus yth esa sherewneth, hag yn le ewnder yth esa kammhynseth.

Amos 5:7

A hwi neb a dreyl gwirvreus yn fuelenn, ha tewlel ewnder dhe'n dor!

Ysay 59:4

Denvyth ny elow rag ewnder; denvyth ny bled y gen gans onester. I a drest yn gwakter ha kewsel euveredh; i a gonsev anken ha dineythi droktra.

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Ysay 46:12

Goslowewgh orthiv, hwi hardh agas kolonn, hwi neb yw pell a ewnder:

Ysay 59:9

Rakhenna ewnder yw pell dhiworthyn, hag ny wra ewnder drehedhes dhyn. Ni a worta golow, hag otta tewolgow! Ni a worta golewder, mes ni a gerdh y'n tewlder.

Ysay 59:11

Ni oll a romm avel orses, ha kyni avel kelemmi. Ni a worta gwirvreus mes nyns eus; ni a worta selwyans mes pell yw ahanan.

Yeremia 7:28

Ty a lever dhedha, Homm yw an genedhel na veu gostydh dhe lev an Arloedh aga Duw, na ny dhegemmeras dyskybleth; gwirder res eth dhe goll, ha treghys yw a-dhiworth aga ganow.

Daniel 8:12

Ha dhe'n lu y feu res an charj war an offrynn pub-dydhyek, drefenn an treuspass; ev a dewlis an wiryonedh dhe'n dor. Ev a oberis, hag a sewenis.

Amos 6:12

A wra mergh poenya war garnek? A wra den aras ena gans oghen? Mes hwi re dreylyas ewnder yn kegis, ha'n frut a wiryonedh yn fuelenn.

1 Myghternedh 21:10

settyewgh dew vilen a-dal dhodho dhe dhustunia er y bynn, ow leverel, “Ty re vollethis Duw ha'n myghtern.” Ena degewgh e yn-mes, ha'y labydha bys y'n mernans.’

1 Myghternedh 21:11

Gwer y sita, an henavogyon ha'n ugheloryon esa trigys yn y sita, a wrug dell dhannvonsa Yezebel ger dhedha.

Salmow 119:150

An re a'm helgh gans sherewneth a dheu yn ogas, ha pell ymons i dhiworth dha lagha.

Hosea 7:1

Peskweyth may fynnav sawya Ysrael, ena kammhynseth Efraym yw diskudhys, ha droktra Samaria. I a wra gil, lader a dheu, para a raven y'n stret.