Ysay 59:11 - An Bibel Kernewek 20234 (Kernewek Kemmyn)

¹¹ Ni oll a romm avel orses, ha kyni avel kelemmi. Ni a worta gwirvreus mes nyns eus; ni a worta selwyans mes pell yw ahanan.

Ysay 59:11 ပူးပေါင်းရင်းမြစ်များ

Salmow 119:150

An re a'm helgh gans sherewneth a dheu yn ogas, ha pell ymons i dhiworth dha lagha.

Salmow 119:155

Pell yw selwyans a'n debeles, rag ny hwilons dha ordenansow.

Salmow 38:8

Difredh ov vy ha brewys dres eghenn; my re hanasas drefenn ankres ow holonn.

Salmow 55:2

Goslow orthiv, ha gorthyp dhymm. Grevys ov y'm krodhvol, ha gul kynvann

Salmow 85:9

Yn hwir yma y selwyans ogas dhe'n re a berth own anodho, may trykko golewder yn agan tir.

Ysay 38:14

Kepar ha gwennel po garan, yndella y gryllis; my a gynis kepar ha kolomm. Ow dewlagas a fyll ow mires war-vann. A Arloedh, yma ankres dhymm, bydh goestel ragov.

Ysay 51:20

Dha vebyon re glamderas, i re wrowedhas orth penn pub stret avel gavrewik yn roes; leun yns a gonnar an Arloedh, keredh dha Dhuw.

Ysay 59:14

Gwirvreus yw treylys war-dhelergh, hag ewnder a sev a-bell; rag gwirder re drebuchyas y'n stret, ha ny yll ewnhynseth entra.

Ysay 59:8

Ny aswonnons an fordh a gres, ha nyns eus ewnder yn aga olow. I re wrug aga hynsyow kamm; neb a gerdh ynna ny aswonn kres.

Ysay 59:9

Rakhenna ewnder yw pell dhiworthyn, hag ny wra ewnder drehedhes dhyn. Ni a worta golow, hag otta tewolgow! Ni a worta golewder, mes ni a gerdh y'n tewlder.

Yeremia 8:15

Agan govenek a veu kres, mes nyns esa dader; termyn yeghes, hag otta browagh.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Kynvannow 3:17

Ty re bellhas ow enev dhiworth kres, ny berthis kov a sewena.

Ezekiel 7:16

Peub yw gesys a skap, hag i a vydh y'n menydhyow kepar ha kelemmi an nansow, i oll owth hanasa, peub yn y anewnder.

Hosea 7:14

Ny garmsons dhymm yn aga holonn, hag i ow kyni war aga gweli. I a omhakkyas rag greun ha gwin nowydh, ha kildenna a-dhiworthiv vy.

Nahum 2:7

Ordenys yw: hi a vydh divres, degys dhe-ves, ha'y maghtethyon a gyn avel lev kelemmi, ow kweskel aga bronn.

Nahum 2:8

Mes Nineve – yma hy dowrow kepar ha poll dowr: i a fi dhe-ves; ‘Sevewgh, sevewgh’, a grions, mes ny dreyl denvyth.