Ysay 59:10 - An Bibel Kernewek 20234 (Kernewek Kemmyn)

¹⁰ Palvala a wren war fos avel an dhellyon, ha ni a balval avel an re heb dewlagas. Ni a drebuch yn hanter-dydh kepar hag yn tewlwolow; yn mysk an re grev, yth on ni avel an re varow.

Ysay 59:10 ပူးပေါင်းရင်းမြစ်များ

Job 5:14

I a vet orth tewlder dydhweyth, ha palvala y'n hanter-dydh kepar hag y'n nos.

Lavarow Koth 4:19

Fordh an debeles yw haval dhe dewlder down; ny wodhons an pyth may trebuchons warnodho.

Ysay 28:13

Ger an Arloedh a vydh dhedha, ‘Rewl war rewl, rewl war rewl, linenn war linenn, linenn war linenn, banna omma, banna ena’, rag mayth ellons ha koedha war-dhelergh ha bos terrys, ha maglennys, ha kemmerys.

Ysay 8:14

Ev a vydh sentri, ha men trebuchya ha karrek koedha dhe dhew ji Ysrael, hag antell ha maglenn rag annedhysi Yerusalem.

Ysay 8:15

Meur anedha a drebuch, ha koedha ha bos terrys; i a vydh maglennys, ha kemmerys.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Kynvannow 3:6

Ev re wrug dhymm triga yn tylleryow tewl, kepar ha'n dus varow nans yw pell.

Kynvannow 4:14

I a wandras dall y'n stretys, mostys vons gans goes bys ma na allas denvyth tochya aga dillas.

Ezekiel 21:15

Rag may teuttho kolonnow ha'n re a goedh bos lies. Orth oll aga yetys my re worras kledha rag ladhva. Ogh, gwrys yw rag lughesi, rutys splann rag an ladhva.

Amos 8:9

Hag y hwyrvydh y'n jydh na, yn-medh an Arloedh Duw, my a wra an howl dhe sedhi y'n hanter-dydh, ha tewlhe an dor yn lagas an howl.

Mika 3:6

Rakhenna, y fydh nos dhywgh, heb gwelesigeth, ha tewlder dhywgh, heb dewinieth. An howl a wra sedhi war an brofoesi, ha'n jydh a vydh du a-ughta;

Yowann 12:35

Ena Yesu a leveris dhedha, ‘Hwath pols byghan yma an golow genowgh. Kerdhewgh hedre vo genowgh an golow, ma na wrello tewlder agas dalghenna. Neb a gerdh y'n tewlder ny woer ple'th a.

Yowann 12:40

‘Ev re dhallhas aga dewlagas, hag ev re galeshas aga holonn, rag na hwrellons gweles gans aga dewlagas, na konvedhes gans aga holonn, na bos treylys, may hwrylliv aga sawya.’

Dewteronomi 28:29

Ty a vydh ow palvala yn hanter-dydh, kepar dell balval an dall y'n tewolgow; ny wredh dhe'th fordhow seweni; devri y fydhydh arweskys ha ledrys, ha ny wra nagonan dha sawya.

1 Yowann 2:11

Mes neb a gas y vroder yma ev yn tewlder, hag a gerdh yn tewlder, ha ny wonn ev ple'th a, rag tewlder dhe dhalla y dhewlagas.