Ysay 58:8 - An Bibel Kernewek 20234 (Kernewek Kemmyn)

⁸ Ena dha wolow a dardh avel an bora, ha'th yaghheans a egin dihwans, ha'th ewnder a gerdh a-ragos; glori an Arloedh a vydh dha withyas dhelergh.

Ysay 58:8 ပူးပေါင်းရင်းမြစ်များ

Ysay 52:12

Rag ny wrewgh dos yn-mes yn fysk ha ny wrewgh mos yn fo, rag an Arloedh a a-ragowgh, ha Duw Ysrael a vydh agas gwithyas-delergh.

Yeremia 33:6

Otta, my a dhre dhedha sawment ha yaghheans; my a's saw ha diskwedhes dhedha palster a gres ha gwiryonedh.

Salmow 37:6

Ev a wra dhe'th ewnder splanna avel golow, ha'th wirvreus avel hanter-dydh.

Yeremia 30:17

Rag my a asver yeghes dhis, ha my a yaghha oll dha woliow, yn-medh an Arloedh, drefenn i dhe'th henwel gal, ow leverel: ‘Sion yw; denvyth ny's hwila!’

Salmow 85:13

Ewnder a a-dheragdho, ha kres a gerdh yn fordh y olow.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Oberow 10:35

mes yn pub kenedhel neb a'n jeves own anodho ha gul ewnder yw plegadow dhodho.

Eksodus 14:19

Ena el Duw, neb eth a-rag kamp Ysrael, a removas ha mos war aga lergh; an goloven a gommol a veu removyes a-dheragdha ha sevel a-dryv dhedha,

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Salmow 97:11

Golow a dardh rag an re wiryon, ha lowena rag an re ewnhynsek aga holonn.

Hosea 14:4

My a wra aga sawya dhiworth aga dislelder, ha'ga hara heb ahwer, rag ow sorr re dreylyas anodho.

Job 11:17

Dha vewnans a vydh dergha ages howl an hanter-dydh; y dewlder a vydh kepar ha'n myttin.

Ysay 57:18

My re welas y fordhow, mes my a'n yaghha; my a'n hembronk hag attyli konfort dhodho,

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Salmow 112:4

Dhe'n re ewnhynsek y sev golow y'n tewlder; ev yw grassyes ha truedhek ha gwiryon.

Oberow 10:31

ha leverel, “Kornelius, dha bysadow re beu klewys ha'th alusenow re beu kovhes dherag Duw.

Oberow 10:4

Ev a viras stark orto, ha kemmerys gans own ev a leveris, ‘Pandra, ytho, Arloedh?’ Hag ev a leveris dhodho, ‘Dha bysadow ha'th alusenow re yskynnas avel kovadh dherag Duw.

Matthew 13:15

rag brys an bobel ma a veu gwrys talsogh ha poes yw klewans aga diwskovarn ha'ga lagasow re dhegesons, ma na wellons gans aga lagasow, na klewes gans aga skovornow na konvedhes gans aga holonn ha treylya, hag ytho my a wra aga sawya.”

Ysay 26:2

Igerewgh an yetys rag mayth entro dredha an genedhel wiryon, a with lelder.

Ysay 33:24

Ny lever annedhyas, ‘My yw klav’; kammweyth an bobel trigys ynni a vydh gevys.

Ysay 60:1

Sav, splann; rag dha wolow re dheuth, ha glori an Arloedh re dhrehevis warnas.

Ysay 62:1

Rag Sion ny dawav vy, ha rag Yerusalem ny vydhav kosel bys pan a hy ewnder yn-mes avel golewder ha'y selwyans avel faglenn ow flammya.

Lavarow Koth 11:17

Gour yw kuv a wra dader dhodho y honan, mes neb yw fell a dhre trobel dh'y gig y honan.

Lavarow Koth 11:25

Den hel a dhegemmer blonek, ha neb a dhowrha a vydh dowrhes.

Ysay 60:2

Rag otta, tewlder a gudh an norvys, ha tewlder tew an poblow, mes an Arloedh a dhrehav warnas, ha'y glori a vydh gwelys warnas.