Ysay 58:7 - An Bibel Kernewek 20234 (Kernewek Kemmyn)

⁷ A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Ysay 58:7 ပူးပေါင်းရင်းမြစ်များ

Jenesis 19:14

Ha Lot eth yn-mes ha kewsel gans y dheuvyon a dhemmedhis y vyrghes ha leverel, ‘Sevewgh yn-bann, kewgh yn-kerdh yn-mes a'n tyller ma, rag an Arloedh a vynn distrui an sita ma.’ Mes dh'y dheuvyon yth heveli ev dhe vos den ow kul ges.

Jenesis 19:2

Hag yn-medh ev, ‘Ow arlydhi, treylyewgh, dell y'gas pysav, a-berth yn chi agas gwas; trigewgh dres nos, ha golghi agas treys. Ena hwi a sev a-varr ha mos war agas fordh.’ Yn-medhons i, ‘Na vynnyn, ni a vynn spena an nos y'n plen.’

2 Kroniklys 28:15

Ena an wer a veu henwys rag an servis ma a sevis hag a gemmeras an gethyon, hag i a wiskas oll an re noeth gans dillas kevys y'n preydh, ha'ga arghena, ha ri dhedha boes ha diwes ha'ga ura. I a worras an re wann war asenes, ha'ga dri dh'aga breder yn Yeriko, sita an palmwydh. Ena i a dhehwelis dhe Samaria.

Nehemia 5:5

Byttegyns lemmyn kepar hag yw kig agan breder, yndella yw agan kig ni; kepar ha'ga mebyon i, yndella yw agan mebyon ni; otta, yth eson ow konstryna agan mebyon ha'gan myrghes yn kethneth ha rann a'gan myrghes re beu kethhes seulabrys, mes dialloes on dh'aga dasprena drefenn tus erell dhe gavoes agan gwelyow ha'gan gwinlannow.’

Job 22:7

Ny resys dowr dhe'n skwith rag eva, ha ty re skonyas ri bara dhe'n nownek.

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Lavarow Koth 11:17

Gour yw kuv a wra dader dhodho y honan, mes neb yw fell a dhre trobel dh'y gig y honan.

Lavarow Koth 22:9

Neb yw hel a vydh benniges rag ev a re a'y vara dhe'n boghosek.

Lavarow Koth 24:11

Delirv an re yw draylys dhe-ves dhe'n mernans, ha saw an re usi ow trebuchya troha dibennans.

Lavarow Koth 25:21

Mara'n jeves dha eskar nown, ro dhodho bara dhe dhybri, ha mara'n jeves syghes, ro dhodho dowr dhe eva.

Lavarow Koth 28:27

Neb a re dhe'n voghosogyon, ny'n jevydh edhomm, mes neb a gudh y dhewlagas a'n jevydh mollothow pals.

Ysay 58:10

mar profydh dha enev rag an nownek, ha sostena enev an den truan, ena dha wolow a splann y'n tewlder, ha dha dewolgow a vydh avel an hanter-dydh.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Ezekiel 18:16

neb na arwask denvyth, na kemmeres gaja, na pylla, mes neb a re y vara dhe'n nownek, ha kwetha an noeth gans dillasenn;

Ezekiel 18:7

nag arwaska denvyth, mes ev a dhaskorr an pyth a gemmeras avel gaja rag prestenn; mar ny wra ladrynsi, mes ev a re y vara dhe'n nownek, ha kwetha an noeth gans dillasenn,

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Luk 11:41

Mes rewgh alusen a'n pyth usi war-ji, hag otta pup-tra a vydh glan dhywgh.

Luk 19:8

Mes Zakkeus a sevis ha leverel dhe'n Arloedh, ‘Otta, hanter ow fythow, Arloedh, my a re dhe'n voghosogyon, ha mar kwrugavy kemmeres neppyth a nebonan dre frows, my a'n daskorr pedergweyth.’

Luk 3:11

Ev a worthybis ow leverel dhedha, ‘Neb a'n jeffo dew bows, kevrennes gans neb na'n jeves nagonan, ha neb a'n jeffo boes, gwres y'n keth vaner.’

Oberow 16:15

Ha pan veu besydhys ha gensi hy mayni, hi a'gan pysis, ow leverel, ‘Mar synsowgh hwi ow bos lel dhe'n Arloedh, dewgh dhe ostya y'm chi’; ha hi a ynnias warnan.

Oberow 16:34

Ev a's dros yn-bann dh'y ji ha gorra boes a-dheragdha, hag ev hag oll y vayni a lowenhas y tothya ev ha bos kryjyk yn Duw.

Romanyon 12:13

ow provia rag edhommow an syns, ow siwya helder.

Dewteronomi 22:1

Na vir orth ojyon dha vroder po y oen ow mos yn stray, hag omgudha ragdha; gwra aga daskorr dhe'th vroder.

1 Timothi 5:10

gans dustuni a'y gwriansow da, mar magas fleghes, mar ros hi ostyans dhe estrenyon, mar kolghas treys an syns, mar kweresas an re yn anken, mar omros dhe bub gwrians da.

Filemon 1:7

Rag my a gavas meur a lowena ha konfort y'th kerensa, drefenn kolodhyon an syns dhe vos kennerthys dredhos, a vroder.

Breusysi 9:2

‘Leverewgh yn diwskovarn arlydhi Shekem, “Pyneyl yw gwell ragowgh, an deg ha tri-ugens a vebyon Yerubbaal dhe reynya warnowgh po onan dhe reynya warnowgh?” Perthewgh kov ynwedh my dhe vos agas askorn ha'gas kig.’