Ysay 58:5 - An Bibel Kernewek 20234 (Kernewek Kemmyn)

⁵ Yw yndella an penys a dhewisav, dydh rag den dhe omuvelhe? Yw rag plegya y benn yn-nans avel korsenn, ha lesa avel gweli yskar ha lusu? Yw hemma an pyth a gelwydh penys, ha dydh kemmeradow dhe'n Arloedh?

Ysay 58:5 ပူးပေါင်းရင်းမြစ်များ

2 Myghternedh 6:30

Pan glewas an myghtern geryow an venyn, ev a skwardyas y dhillas. Pan esa ow tremena war an fos, an bobel a viras, hag otta, ev a'n jevo yskar a-bervedh nessa dh'y groghen.

2 Kroniklys 20:3

Yehoshafat a berthi own; ev a erviras hwilas an Arloedh, hag ev a ordenas penys der oll Yuda.

Ezra 10:6

Ena Ezra a omdennas dhiworth klos chi Duw, hag eth yn hel Yehohanan mab Elyashib. Pan dheuth ena, ny dhybris ev bara, nag eva dowr; rag yth esa ow kyni war dhislelder an dhivresow.

Ezra 8:21

Ena my a elwis rag penys ena, ryb an avon Ahava, mayth omuvelhyn a-rag agan Duw, rag hwilas a-dhiworto hyns heb kaletter ragon, ha rag agan fleghes, gans oll agan pythow.

Ester 4:16

‘Ke, kuntell oll an Yedhewon usi yn Shushan, ha gwrewgh penys ragov, ha na wrewgh hwi dybri nag eva tri dydh, nosweyth na dydhweyth: my ynwedh, ha'm maghtethyon, penys a wren ni yn kepar maner. Ena mos a-ji bys y'n myghtern a wrav kyn fo erbynn an lagha: ha mar pydhav distruys, distruys vydhav.’

Ester 4:3

Hag yn pub rannvro, py le pynag may teffa gorhemmynn hag arghadow an myghtern, yth esa drem meur yn mysk an Yedhewon, gans penys hag oelva ha kynvann; yth esa lies huni a'ga growedh yn yskar ha lusu.

Job 2:8

Hag ev a gemmeras darn a briweyth may halla omdhiruska ganso, hag ev a esedhas yn mysk an lusu.

Salmow 69:13

Mes ow fysadow yw dhiso jy, A Arloedh; yn prys plegadow, A Dhuw, gorthyp dhymm y'th tregeredh veur, yn gwirder dha selwyans.

Ysay 49:8

Yndellma y lever an Arloedh: Y'n prys plegadow re worthybis dhis, yn dydh selwyans re'th weresis; my re'th withas, ha'th ri avel kevambos dhe'n bobel, rag fastya an tir, rag kevrenna an ertajys ynyal,

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Ysay 61:2

dhe dhisklerya blydhen favour an Arloedh, ha dydh dial agan Duw; dhe gonfortya oll kynoryon;

Levitikus 16:29

Ha hemma a vydh ordenans ragowgh bys vykken: y'n seythves mis, yn degves dydh an mis, hwi a omjasti ha ny wrewgh ober vyth, naneyl genesik nag alyon trigys yn agas mysk,

Levitikus 16:31

Sabot solem a bowes vydh ragowgh, ha hwi a omjasti; yth yw ordenans bys vykken.

Zekaria 7:5

Govynn oll pobel an tir ha'n oferysi: Pan wrussowgh penys ha galari y'n pympes ha seythves mis dres an deg blydhen ha tri-ugens eus passys, a veu ragov vy y hwrussowgh penys?

Matthew 6:16

‘Ha pan wryllowgh penys heb dybri, na vedhewgh avel an falswesyon, trist aga semlans, rag i a dhifas aga bejeth may hallons bos gwelys gans tus, i dhe wul penys; yn hwir y lavarav dhywgh, i re's teva aga gober.

Luk 4:19

dhe bregoth blydhen gemmeradow an Arloedh.’

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.