Ysay 58:4 - An Bibel Kernewek 20234 (Kernewek Kemmyn)

⁴ Otta, hwi a benys rag gul strif ha freudh ha dhe weskel gans dorn dhrog. Penys kepar dell esowgh orth y wul y'n jydh ma ny yll gul dh'agas lev bos klewys y'n ughelder.

Ysay 58:4 ပူးပေါင်းရင်းမြစ်များ

Lavarow Koth 21:27

Sakrifis an debeles yw tra gasadow; kemmys moy pan y'n dro gans tebel borpos.

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Ysay 3:14

An Arloedh a dheu yn breus gans henavogyon ha pennsevigyon y bobel: Hwi yw neb re dhiswrug an winlann; yma preydh an boghosek yn agas chiow.

Ysay 3:15

Pyth yw dhywgh, hwi dhe vrewi ow fobel, ha melyas fasow an voghosogyon? yn-medh an Arloedh, Duw an luyow.

Ysay 59:2

Mes agas kammweythresow re wrug diberth yntra hwi ha'gas Duw, ha'gas peghosow re gudhas y fas ragowgh, ma na wra ev klewes.

Ysay 59:6

Ny yll aga gwiasow bos dillas, ha ny omgwethons gans aga oberow; aga oberow yw oberow a anewnder, hag yma gwriansow a freudh yn aga diwleuv.

Yoel 2:12

Lemmyn ytho, yn-medh an Arloedh, treylyewgh dhymm gans oll agas kolonn, ha gans penys, ha gans oelva, ha gans kynvann.

Yona 3:7

Hag ev a dhellos gwarnyans yn Nineve: ‘Der arghadow an myghtern ha'y wahalyethow: Na wres den na best, gwarthek na deves, tastya travyth, na peuri, nag eva dowr;

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Luk 20:47

neb a gollenk chiow an gwedhwesow, hag a wra pysadow hir yn fayntys; an re ma a's tevydh dhe voy dampnasyon.’

Yowann 18:28

Ena i a hembronkas Yesu dhiworth Kayfas bys y'n pretorium. Myttin a-varr o hi. Nyns ethons i aga honan a-bervedh y'n pretorium, ma na vens i defolys, mes may hallens dybri an pask.