Ysay 58:3 - An Bibel Kernewek 20234 (Kernewek Kemmyn)

³ ‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Ysay 58:3 ပူးပေါင်းရင်းမြစ်များ

Ezra 8:21

Ena my a elwis rag penys ena, ryb an avon Ahava, mayth omuvelhyn a-rag agan Duw, rag hwilas a-dhiworto hyns heb kaletter ragon, ha rag agan fleghes, gans oll agan pythow.

Nehemia 5:7

Lemmyn my a ombrederis y'm brys ha my a gedrynnas gans an ugheloryon ha'n soedhogyon. My a leveris dhedha, ‘Hwi a gemmer oker, pubonan dhiworth y vroder.’ Ytho my a elwis kuntelles bras er aga fynn.

Job 34:9

Rag ev re leveris, “Ny gyv gour prow pan assay ev plegya dhe Dhuw.”

Salmow 69:10

Pan wrugavy dhe'm enev kyni gans penys, treylys o henna yn mewl dhymm.

Lavarow Koth 28:9

Mar treyl nebonan y skovarn ma na glewo an lagha, y bysadow yw tra gasadow hogen.

Ysay 22:12

An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Ysay 22:13

Hag otta yma joy ha lowender, ladha chatel ha ladha deves, dybri kig hag eva gwin; ‘Dybryn hag evyn, rag a-vorow ni a verow’.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Levitikus 16:29

Ha hemma a vydh ordenans ragowgh bys vykken: y'n seythves mis, yn degves dydh an mis, hwi a omjasti ha ny wrewgh ober vyth, naneyl genesik nag alyon trigys yn agas mysk,

Levitikus 16:31

Sabot solem a bowes vydh ragowgh, ha hwi a omjasti; yth yw ordenans bys vykken.

Levitikus 23:27

Y'n degves dydh a'n seythves mis, y fydh dydh dehwelyans; y fydh kuntelles sans ragowgh, ha hwi a omjasti hag offrynna offrynn dre dan dhe'n Arloedh.

Malaki 3:14

Hwi a leveris, ‘Euver yw servya Duw. Pandr'a veu agan gwayn ow kwitha y jarj hag ow kerdhes a-derdro avel kynoryon a-rag Arloedh an luyow?

Niverow 23:4

Ha Duw a vetyas gans Balaam; neb a leveris dhodho, ‘My re arayas an seyth alter, ha my re offrynnas war bub alter lodhen ha hordh.’

Luk 15:29

Hag ev a worthybis dh'y das ha leverel, “Mir, py lies blydhen y hwrugavy dha servya, ha ny derris dha arghadow bythkweth; ha bythkweth ny resys dhymm kemmys ha mynnik rag may fen lowen gans ow howetha.