Ysay 58:14 - An Bibel Kernewek 20234 (Kernewek Kemmyn)

¹⁴ ena ty a vydh lowen y'n Arloedh ha my a'th wra dhe varghogeth war dylleryow ughel an tir ha'th vaga gans eretons Yakob dha das, rag ganow an Arloedh re gewsis.

Ysay 58:14 ပူးပေါင်းရင်းမြစ်များ

Job 22:26

ena ty a lowenha y'n Ollgalloesek, ha drehevel dha fas dhe Dhuw.

Job 27:10

A wra ev kavoes delit y'n Ollgalloesek? A wra ev pysi Duw pup-prys?

Job 34:9

Rag ev re leveris, “Ny gyv gour prow pan assay ev plegya dhe Dhuw.”

Salmow 135:12

hag ev a ros aga thir yn ertach, ertach dhe Ysrael y bobel.

Salmow 136:21

hag ev a ros aga thir yn ertach, rag y dregeredh a dhur bys vykken;

Salmow 36:8

I a vydh lenwys a helder dha ji, ha ty a wra dhedha eva dhiworth avon dha blesours.

Salmow 37:11

Mes an re hwar a erit an tir, hag i a gemmer plesour yn kres leun.

Salmow 37:4

Lowenha y'n Arloedh, hag ev a re dhis govynnadow dha golonn.

Ysay 33:16

ev a vydh trigys y'n ughelderyow, dinasow an karregi a vydh y skovva; y vara a vydh res dhodho, ha ny fyll dowr dhodho.

Ysay 34:16

Hwithrewgh yn lyver an Arloedh ha lennewgh: ny fyll nagonan anedha, ny vydh nagonan heb hy hespar. Rag y anow re worhemmynnis, ha'y Spyrys a's kuntell war-barth.

Ysay 40:5

Ha glori an Arloedh a vydh diskwedhys, ha pub kig a wra y weles war-barth, rag ganow an Arloedh re gewsis.’

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Yeremia 3:19

Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Ezekiel 36:2

Yndellma y lever an Arloedh Duw: Drefenn an eskar dhe leverel er dha bynn, ‘Aha! An breow bythkwethek re beu dhyn avel eretons’,

Mika 4:4

Pub den a esedh yn-dann y winbrenn hag yn-dann y figbrenn y honan, ha denvyth ny wra dhodho perthi own; rag ganow Arloedh an luyow re gewsis.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Dewteronomi 32:13

Ev a wrug dhodho marghogeth war dylleryow ughel an tir, hag ev a dhybris askorr an gwel; ev a wrug dhodho sugna mel yn-mes a'n garrek, hag oyl a ven flynt;

Dewteronomi 33:29

Gwynn dha vys, Ysrael! Piw yw avelos? pobel selwys gans an Arloedh, an skoes a'th weres, kledha dha veuredh. Dha eskerens a dheu dhis ow fekla, ha ty a drett war aga heynow.

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,