Ysay 58:12 - An Bibel Kernewek 20234 (Kernewek Kemmyn)

¹² Dha vagoryow koth a vydh dastrehevys; ty a dhassev an selyow a henedhow pals; ha ty a vydh gelwys dastrehevyer aswaow, ha restoryer stretys rag tus dhe driga ynna.

Ysay 58:12 ပူးပေါင်းရင်းမြစ်များ

Nehemia 2:17

Ena my a leveris dhedha, ‘Hwi a wel an ahwer eson ni ynno, fatell yw Yerusalem difeyth, ha'y yetow leskys gans tan. Dewgh, ha drehevyn ni fos Yerusalem, ma na vydhyn synsys yn disenor namoy.’

Nehemia 2:5

Ha my a leveris dhe'n myghtern, ‘Mar pleg dhe'n myghtern ha mar kavas dha was favour y'th wolok, dannvon vy dhe Yuda, dhe sita bedhow ow thasow, ma's dastrehaffen vy.’

Nehemia 6:1

Pan veu derivys dhe Sanballat ha Tobia ha Geshem an Arab ha remenant agan eskerens y tastrehavsen vy an fos ha nag esa torrva vyth gesys ynni (kyn na settsen vy an darasow yn-bann y'n yetow y'n eur na),

Job 3:14

gans myghternedh ha konseloryon an norvys a dhastrehevis magoryow ragdha aga honan,

Ysay 30:13

rakhenna an kammweyth ma a vydh ragowgh avel aswa yn fos ughel parys dhe goedha, deantell, balek, may teu hy thorrva distowgh, a-dhesempis.

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Ysay 49:8

Yndellma y lever an Arloedh: Y'n prys plegadow re worthybis dhis, yn dydh selwyans re'th weresis; my re'th withas, ha'th ri avel kevambos dhe'n bobel, rag fastya an tir, rag kevrenna an ertajys ynyal,

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 52:9

Germewgh gans joy, hwi vagoryow a Yerusalem; rag an Arloedh re gonfortyas y bobel, ev re dhasprenas Yerusalem.

Ysay 61:4

I a dhastrehav an magoryow koth ha dri yn-bann an tylleryow diboblys kyns; i a nowydhha trevow diswrys, re beu gwastys henedh wosa henedh.

Yeremia 31:38

Otta, an dydhyow a dheu, yn-medh an Arloedh, pan vydh drehevys an sita rag an Arloedh a-dhiworth tour Hananel dhe Yet an Gornell.

Ezekiel 13:5

Ny yskynnsowgh bys y'n aswaow, na ny dhrehevsowgh fos rag chi Ysrael, may saffo y'n gas yn dydh an Arloedh.

Ezekiel 36:33

Yndellma y lever an Arloedh Duw: Y'n jydh may hwrav agas glanhe dhiworth agas kammweythresow, my a wra dhe'n sitys bos annedhys, ha'n magoryow a vydh dastrehevys.

Ezekiel 36:4

rakhenna, menydhyow Ysrael, klewewgh ger an Arloedh Duw: Yndellma y lever an Arloedh Duw dhe'n menydhyow, dhe'n brennow, dhe'n goverow, dhe'n nansow, dhe'n magoryow ynyal, ha dhe'n sitys diannedh, a dheuth ha bos rag preydh ha rag ges dhe remenant an kenedhlow usi oll a-dro;

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Amos 9:14

Ha my a dreyl kethneth ow fobel Ysrael, hag i a dhastrehav an sitys dhibobel ha triga ynna; i a blans gwinlannow hag eva aga gwin, hag i a wra lowarthyow ha dybri aga frut.

Mika 7:11

Dydh rag drehevel dha fosow! An jydh na, yth ystynnir an or.