Ysay 58:10 - An Bibel Kernewek 20234 (Kernewek Kemmyn)

¹⁰ mar profydh dha enev rag an nownek, ha sostena enev an den truan, ena dha wolow a splann y'n tewlder, ha dha dewolgow a vydh avel an hanter-dydh.

Ysay 58:10 ပူးပေါင်းရင်းမြစ်များ

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Salmow 37:6

Ev a wra dhe'th ewnder splanna avel golow, ha'th wirvreus avel hanter-dydh.

Job 11:17

Dha vewnans a vydh dergha ages howl an hanter-dydh; y dewlder a vydh kepar ha'n myttin.

Luk 18:22

Pan glewas Yesu henna, yn-medh ev dhodho, ‘Hwath unn dra a fyll dhis: gwerth pup-tra eus dhis ha'y ranna dhe'n voghosogyon, ha ty a' fydh tresor y'n nevow, ha deus, hol vy.’

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Ysay 29:18

Y'n jydh na an vodharogyon a glew geryow lyver, ha dhiworth duder ha tewlder dewlagas an dhellyon a wel.

Lavarow Koth 28:27

Neb a re dhe'n voghosogyon, ny'n jevydh edhomm, mes neb a gudh y dhewlagas a'n jevydh mollothow pals.

Salmow 41:1

Gwynnvys neb a wra vri a'n den gwann; an Arloedh a'n delirv yn dydh anken.

Ysay 60:2

Rag otta, tewlder a gudh an norvys, ha tewlder tew an poblow, mes an Arloedh a dhrehav warnas, ha'y glori a vydh gwelys warnas.

Ezekiel 18:16

neb na arwask denvyth, na kemmeres gaja, na pylla, mes neb a re y vara dhe'n nownek, ha kwetha an noeth gans dillasenn;

Zekaria 6:15

An re neb yw pell a dheu hag i a dhrehav tempel an Arloedh, ha hwi a woer Arloedh an luyow ow dannvon dhywgh. Homma a hwyrvydh mar koslewowgh yn tiwysyk orth an Arloedh agas Duw.

Zekaria 14:7

Y fydh unn jydh, aswonnys dhe'n Arloedh, heb naneyl dydhweyth na nosweyth, mes y fydh golow y'n gorthugher.

Dewteronomi 15:4

Mes ny vydh yntredhowgh boghosek, rag an Arloedh a'th vennik yn sur y'n tir a wra an Arloedh dha Dhuw y ri dhis avel eretons dh'y bewa,

Job 31:31

mar ny leveris tus ow thylda, “Piw eus na veu lenwys a'y gig?”

Salmow 112:4

Dhe'n re ewnhynsek y sev golow y'n tewlder; ev yw grassyes ha truedhek ha gwiryon.